Astana mańyndaǵy avtojolda qarý-jaraq tabyldy, dep habarlaıdy Dalanews.kz.

Arshaly aýdany prokýratýrasy Aqmola oblysy prokýratýrasynyń úılestirýimen, qamaýda jazasyn óteýshi tulǵamen ótkizilgen konfıdensıaldy áńgime barysynda atys qarýy bar jasyryn oryn týraly aqparat alǵan.

Bul aqparatty tekserý barysynda Astana–Qaraǵandy avtojolynda, Arshaly aýdanynyń Shoptyqól eldi mekeniniń mańynda atys qarýy men ártúrli kalıbrli oq-dáriler tabylyp, tárkilendi.

Qarý-jaraq pen oq-dárilerdiń el aýmaǵyna shetelden ákelingen bolýy múmkin (Qazaqstan Respýblıkasynyń qarý-jaraǵy quramynda joq).

Osy derek boıynsha Qylmystyq kodekstiń 287-babynyń 3-bóligi boıynsha aldyn ala tergeý bastaldy.