Astana qalasy ákimdigine vedomstvolyq baǵynysty «Elorda Qurylys Kompaniiasy» JShS bóliminiń basshysy sottaldy, dep habarlaidy Dalanews.kz.
Memleket basshysynyń tapsyrmasyn oryndaý úshin Sybailas jemqorlyqqa qarsy is-qimyl agenttigi qoǵamda zańdylyq pen tártip qaǵidatyn qamtamasyz etý, sondai-aq sybailas jemqorlyq faktileriniń jolyn kesý jónindegi jumysty jalǵastyrýda.
Qabyldanǵan sharalar men tetikter kesheni qoiylǵan mindetterdi tiimdi iske asyrýǵa jáne zańdylyqtyń buzylýyna ýaqtyly den qoiýǵa múmkindik beredi.
Máselen, Astana qalasynyń qylmystyq ister jónindegi mamandandyrylǵan aýdanaralyq soty alqabilerdiń qatysýymen «Elorda Qurylys Kompaniiasy» JShS bólim basshysy B.Q. Bazarbekke qatysty úkim shyǵardy.
Ol Astana qalasynda kóppáterli turǵyn úi keshenin salý sharty boiynsha avans tólegeni jáne smetany ulǵaitqany úshin «Elorda qurylys kompaniiasy» JShS basshylyǵy úshin merdigerlik uiym direktorynyń 103 mln teńge somasynda alaiaqtyq jasaǵany jáne para berýge itermelegeni úshin kináli dep tanyldy.
Bazarbek 10 jylǵa bas bostandyǵynan aiyryldy
Úkim zańdy kúshine engen joq.
Konstitýtsiianyń 77-baby 3-tarmaǵynyń 1-tarmaqshasyna jáne qylmystyq-protsestik kodekstiń 19-baby 1-bóligine sáikes qylmystyq quqyq buzýshylyq jasaýdaǵy kinási sottyń zańdy kúshine engen úkimimen belgilengenge deiin árqaisysy kinásiz dep esepteledi.
