Qazaqstan Respýblikasy Parlamentindegi “Bir el – bir múdde” depýtattyq toby el birligin arttyrýǵa yqpal eter jańa jobany tanystyrdy, dep habarlaidy Dalanews.kz.
Ulttyq quryltaidyń úshinshi otyrysy barysynda, artynsha Qazaqstan halqy Assambleiasynyń “Birlik. Jasampazdyq. Órleý” taqyrybyndaǵy otyz úshinshi sessiiasynda Memleket basshysy irgeli ulttyq qundylyqtardy, negizgi ideologiialardy jáne ult imidjin aiqyndaityn bazalyq baǵdarlardy ilgeriletý boiynsha birqatar mindetter qoiǵan bolatyn.
Atalǵan tapsyrmalardy iske asyrý maqsatynda Qazaqstan Respýblikasy Parlamentindegi “Bir el – bir múdde” depýtattyq tobynyń ókilderi QR Prezidenti Ákimshiliginiń Qazaqstan halqy Assambleiasy hatshylyǵynyń qoldaýymen “Assambleia. Parlament. Máslihattar” qoǵamdyq jobaǵa bastamashylyq jasady.
Bul Jobanyń maqsaty – memlekettik organdardyń, Qazaqstan Respýblikasy Parlamenti depýtattarynyń, sondai-aq barlyq deńgeidegi máslihattardyń jáne jergilikti jerlerdegi memlekettik organdardyń Qazaqstan halqy Assambleiasymen turaqty ózara is-qimyl júiesin uiymdastyrý, atalǵan memlekettik organdar basshylarynyń onyń jumysyna qatysýy bolyp tabylady.
Búgin Senat ǵimaratynda Jobanyń qoǵamdyq tusaýkeseri ótti. Bas qosýǵa Astana, Almaty, Shymkent qalalary men oblystyq máslihattardyń tóraǵalary qatysty. Aldaǵy ýaqytta atqarylatyn jumystardyń baǵyty men basymdyqtary kelisildi.
