Búgin QR Prezidenti Ákimshiligi QHA Hatshylyǵy meńgerýshisiniń orynbasary Ǵalymjan Mahan jáne QR Mádeniet jáne aqparat ministrligi Etnosaralyq qatynastardy damytý komitetiniń tóraǵasy Ǵalym Shoikin jumys saparymen Túrkistan oblysyna keldi, – dep habarlaidy Dalanews.kz Túrkistan oblysy ákiminiń baspasóz qyzmetine silteme jasap.
Sapar aiasynda elordadan kelgen qonaqtar Túrkistan qalasyndaǵy «Uly Dala Eli» ortalyǵynda «Etnosaralyq qarym-qatynas mádenietin qalyptastyrýdyń psihologiialyq-pedagogikalyq negizderi» taqyrybyndaǵy seminarda sóz sóilep, pikir almasty. Atalǵan jiynǵa aýdan, qalalardaǵy bilim bólimderiniń tárbie isi jónindegi ádiskerleri, aýdan, qalalardaǵy etnos ókilderi tyǵyz shoǵyrlanǵan eldimekenderdegi jalpy jáne orta arnaýly oqý oryndary direktorlary men olardyń tárbie isi jónindegi orynbasarlary, aýdan, qalalardaǵy etnos ókilderi tyǵyz shoǵyrlanǵan eldimekenderdegi jalpy jáne orta arnaýly oqý oryndarynyń oqytýshylary men psihologtary, «Qoǵamdyq kelisim» KMM-niń aýdandyq, qalalyq filialdarynyń basshylary qatysty.
– Qazir elimizdegi etnostardy uiystyryp otyrǵan Assambleia otanshyldyqty dáripteitin institýt retinde damyp keledi. Byltyr Aqsaqaldar keńesi men etnomediatsiia institýty quryldy. Bul baǵyttaǵy jumystarǵa Prezidentimizdiń ózi oń baǵa berip, odan ári jandandyrýdy tapsyrdy. Qazir Túrkistan, Jambyl oblystarynda etnosaralyq alaýyzdyqtyń aldyn alý jumystary tiimdi júrip jatyr. Assambleianyń basty missiiasy barlyq etnostardy qazaq halqynyń qasyna uiystyryp, bir shańyraq astyna jinaý. Qazaqstan halqy Assambleiasynyń XXXIII sessiiasynda Prezident Qasym-Jomart Toqaev qoǵamǵa iritki salatyn árbir áreketke tosqaýyl qoiylýy kerektigin qadap aitty.
Qazaqstan – beibitshilikti tý etken, 100-den astam etnos ókilin baýyryna basqan kieli meken. Biz demokratiiaǵa den qoiǵan quqyqtyq elmiz. Bul rette elimiz 100-den asa halyqaralyq konventsiiaǵa, kelisimge, deklaratsiiaǵa qol qoiǵan. Iaǵni, qoǵamda ultyna qarai erekshelenýge, oqshaýlanýǵa umtylǵan kez kelgen áreketke, ásirese, azamattardy tiline, ultyna, dinine nemese mádenietine bola arandatýǵa, ia bolmasa kemsitýge múlde jol bermeitin orta qalyptastyrý mańyzdy. Bul oraida, búgingi seminardyń bárimiz úshin mańyzy joǵary dep esepteimin. Toleranttylyq qaǵidasyn ustanyp, birtutastyqqa syna qaǵýshylarǵa immýnitet qalyptastyrýymyz kerek. Árine bul tusta Assambleiaǵa artylar júk aýyr. Sondyqtan bul institýtty jan-jaqty jańǵyrtý jumystary jalǵasa bermek, – dedi Etnosaralyq qatynastardy damytý komitetiniń tóraǵasy Ǵalym Shoikin.
Jiynda qoǵamdyq kelisimdi nyǵaitý jumystaryn BAQ-ta jandandyrý, jalǵan aqparattyń taralýyna qarsy zań aiasynda aqparattyq-túsindirý jumystaryn kúsheitý jáne ózekti máselelerdi, usynystardy talqylaý, aqparattyq jumystardy jetildirý jaiy talqylandy. Bul rette, «Parasat» mediatsiia jáne quqyq ortalyǵynyń sarapshy-konfliktology Salamat Jumaǵulov, Qoldanbaly etnosaiasi zertteýler institýty Qoldanbaly zertteýler ortalyǵynyń direktory Ǵali Dinmuhammed óz tájiribelerimen bólisip, mazmundy baiandama jasady.
Jiynǵa qatysýshylar seminarda pikir almasyp, usynys-pikirlerin ortaǵa saldy.
Eske sala ketsek, elordadan kelgen toptyń Túrkistan oblysyndaǵy sapary erteń de jalǵasady. Sapar sheńberinde Saryaǵash jáne Keles aýdandarynda Assambleia múshelerimen, etnomádeni birlestikter men aýdan turǵyndarymen birneshe kezdesý ótedi dep josparlanǵan.
