QR Aqparat jáne qoǵamdyq damý mınıstri Asqar Omarovtyń Talǵar aýdanynyń turǵyndarymen, sondaı-aq Almaty oblysynyń ÚEU jáne BAQ ókilderimen kezdesýi ótti, – dep habarlaıdy Dalanews.kz.

Kezdesý barysynda Asqar Omarov mınıstrliktiń iske asyrǵan jobalary, atqarǵan jumystary men negizgi mindetteri týraly aıtyp berdi.

Baıandamanyń basynda Asqar Omarov óńirlik BAQ-ty barynsha tarta otyryp, óńirlik memlekettik aqparattyq tapsyrysty ýaqytyly iske asyrý qajettigi týraly atap ótti.

Sonymen qatar, mınıstr azamattyq qoǵamdy damytý salasy boıynsha, atap aıtqanda – memlekettik áleýmettik tapsyrys sheńberinde áleýmettik jobalardy iske asyrý arqyly ÚEU-ny qarjylandyrý; volontórlik qyzmet, qaıyrymdylyq, memlekettik áleýmettik tapsyrys jáne ÚEU-ǵa arnalǵan granttar máseleleri boıynsha zańnamany jetildirý; volontórlerdiń front-ofısterin qurý, granttyq qarjylandyrý, sondaı-aq halyqaralyq volontórlik qyzmetti qurý arqyly volontórlik qozǵalysty odan ári damytý, «Jyl volontóri» halyqaralyq syılyǵyn taǵaıyndaý boıynsha egjeı-tegjeıli toqtalyp ótti.

«Birinshi jumys orny» jáne «Zhas Project» jobalary, «Táýelsizdik urpaqtary» granttary sıaqty jastardy qoldaý jónindegi memlekettik sharalarǵa erekshe nazar aýdaryldy.

İs-sapar baǵdarlamasynyń mańyzdy bóligi buqaralyq aqparat quraldarynyń ókilderine arnalǵan brıfıń pen azamattardy jeke qabyldaý boldy. Atalmysh brıfıń pen jeke qabyldaý barysynda Mınıstrliktiń jetekshilik etetin salalary boıynsha halyqty tolǵandyratyn ózekti suraqtar qoıylyp, tolyqqandy jaýaptar berildi.