Áskeri-teńiz kúshteriniń burynǵy bas qolbasshysy ustaldy, dep habarlaidy dalanews.kz.
Kaspii teńizinde oqý-jattyǵý kezinde áskeri qyzmetshiler qaza tabýyna bailanysty qozǵalǵan qylmystyq isti tergeý aiasynda IIM-niń áskeri-tergeý bólinisi qyzmetine salǵyrt qarady degen kúdikpen QR Qarýly Kúshteri Áskeri-teńiz kúshteriniń burynǵy bas qolbasshysy, 1-dárejeli kapitandy ustap, ýaqytsha ustaý izoliatoryna qamady.
"Sot sanktsiiasymen ol qamaýǵa alyndy. Sotqa deiingi tergep-tekserý jalǵasyp jatyr", - dedi IIM ókilderi.
Aita keteiik, bul qyzmetti Qanat Niiazbekov atqarǵan bolatyn.
Eske salaiyq, qaiǵyly oqiǵa 24 qyrkúiekte Mańǵystaý oblysynda Áskeri-teńiz kúshteriniń oqý-jattyǵýy kezinde bolǵan. Sýǵa ketken 17 áskeri qyzmetshiniń 14-i qaza tapty, úsheýi qutqaryldy.
Osyǵan bailanysty 25 qyrkúiek - Qazaqstanda jalpyulttyq aza tutý kúni bolyp jariialandy.
Qaiǵyly oqiǵaǵa qatysty 12 saraptama taǵaiyndaldy. Sonymen qatar, tragediiaǵa bailanysty kúdiktiler anyqtaldy. Buǵan deiin Qorǵanys ministrliginen bes adam ustaldy.
