Qorǵanys mınıstriniń orynbasary Shaıh-Hasan Jazyqbaev áskerı mindetin óteýden jaltaryp júrgen jastardy eriksiz kólikke tıep alyp ketýge qatysty túsinik berdi, dep habarlaıdy Dalanews.kz QazAqparatqa siltep.
«Áskerge shaqyrý algorıtmi bar, ol jergilikti áskerı basqarý, atqarýshy organdar jáne polısıa qyzmetiniń qaýlysymen bekitilgen. Sizder jelide taraǵan vıdeolardan bir bóligin ǵana kóretin shyǵarsyzdar, al negizinde qyzmettik kýáligin kórsetip, kónbegen jaǵdaıda ǵana qoldanylatyn shara. İshki ister mınıstrliginiń ókili kólikpen alyp ketýge mindetti. Bul jerde Qorǵanys mınıstrliginiń qyzmetkerleri polıseılerge kómekshi», - dedi Shaıh-Hasan Jazyqbaev Májilis qabyrǵasynda BAQ ókilderiniń saýalyna jaýap bere turyp.
Sondaı-aq BAQ ókilderi mınıstrdiń orynbasarynan áskerge shaqyrylǵandardy kósheden jeke kólikpen alyp ketýdiń zańdylyǵyn surady.
«Bolǵan eki jaǵdaı boıynsha qyzmettik tekserý ótti, zań boıynsha shara qabyldandy. Beınerolıktegi jeke kólik múmkin Qorǵanys mınıstrligine tıesili shyǵar. Qorǵanys mınıstrligi men İshki ister mınıstrligine tıesili kóliktermen tasymaldaıdy, jeke kólikpen tasymaldasa zańsyz», - dep tolyqtyrdy Jazyqbaev.
