Qorǵanys mınıstrliginiń baspasóz qyzmetiniń habaryna qaraǵanda, mınıstr Rýslan Jaqsylyqov áskerı qolbasshylarmen jıyn ótkizip, "beıbit ýaqyttaáskerı qyzmetkerlerdiń jaralanýy men qaza bolýyna jol bermeý úshin barlyq laýazymdy tulǵalar is-shara qoldanýǵa tıis" degen tapsyrma bergen.
Qorǵanys mınıstrliginiń saıtyndaǵy aqparatta Rýslan Jaqsylyqov "jaýyngerdiń qazasy men jaralaný sebepterin jan-jaqty taldaıtyn" jumys tobyn qurý tapsyrǵan.
– Baǵdarlamany ázirleýge qorǵanys mınıstrliginiń laýazymdy tulǵalaryn, ardagerler uıymdaryn, bilim jáne medısınalyq mekemeler ókilderin, psıhologtardy da tartý qajet, – deıdi qorǵanys mınıstri Rýslan Jaqsylyqov.
Keıingi kezderi áskerdegi jaýynger qazasy týraly aqparattar kóbeıe túsken. 4-maýsymda UQK Shekara qyzmetiniń Mańǵystaý oblysy Beıneý aýdanyndaǵyáskerı bóliminiń jaýyngeri Edil Teshebaev jumbaq jaǵdaıda qaza bolǵan.
UQK Shekara qyzmetiniń baspasóz bólimi de «Edil Teshebaev óz-ózine qoljumsady, aldyna ala aqparat boıynsha, sýısıdtiń sebebi áskerı qyzmetpen emes, otbasylyq turmystyq problemalar bolǵan, quqyq qorǵaý organdarytergeý amaldaryn júrgizip jatyr» dep habarlaǵan.
Edil Teshebaevtyń áke-sheshesi men týystary jáne dostary onyń óz-ózine qolsalǵanyna senbeı, prezıdent Qasym-Jomart Toqaevtan iske aralasýyn suraǵan edi. Osydan keıin Aqordanyń baspasóz qyzmeti prezıdent Qasym-Jomart Toqaevtyń áskerde jıilegen adam ólimi jóninde arnaıy komısıa qurýdy tapsyrǵanyn habarlaǵan.
Sáýirde Jambyl oblysyndaǵy áskerı bólimde kelgenine tórt kún bolǵan 18jastaǵy Álibek Qalbaı esimdi jaýyngerdiń jumbaq jaǵdaıda qaıtys bolǵan.Bastapqyda jaýyngerdiń "tańǵy sap kezinde esinen tanyp qalǵany", artynsha mert bolǵany habarlanǵan. Keıin qorǵanys mınıstrligi "Áskerı qyzmetshiler qarym-qatynasynyń jarǵylyq qaǵıdalaryn buzý" (QK 440-baby, 4-bóligi) baby boıynsha is qozǵalyp, kúdikti anyqtalǵanyn málimdegen.
Byltyr, 2021 jyly qazanda Qaraǵandy oblysy Temirtaý qalasyndaǵy áskerı bólimde áskerı boryshyn ótep júrgen jaýyngerdiń "óz-ózine oq atyp" mert bolǵany habarlanǵan. Biraq marqumnyń týystary resmı habarlamaǵa kúmánmen qaraǵan.
Onyń aldynda kóktemde Jambyl oblysynda bir jaýynger kazarma terezesinen sekirip mert boldy. Sarapshylar áskerı bólimderde álimjettik jıi kezdesetinin aıtady.
