Ásker men otbasy árqashan birge
Sharaǵa Áýe shabýylyna qarsy qorǵanys áskerleri qolbasshysynyń jubaiy Marjan Ismailova, Áýe shabýylyna qarsy qorǵanys áskerleriniń áskeri qyzmetshileriniń otbasy múshelerimen jumysty uiymdastyrý qyzmetiniń basshysy Gúlnara Naidenova men nusqaýshy Ryskúl Musaeva shaqyryldy. Basqosý májilis zalynda suhbattasýdan bastaldy. Sol jerde Marjan Hafizbekqyzy men Ryskúl Baidillaqyzy áskeri qyzmetshilerdiń otbasy múshelerine 10952 áskeri bóliminiń áskeri qyzmetshilerimen jáne áskeri qyzmetshilerdiń otbasy múshelerimen jumysty uiymdastyrý qyzmetininiń quramymen tanysyp, ózderiniń áskeri ómirinen alynǵan qyzyq oqiǵalardy aityp berdi.
Budan keiin maior Aibek Kalkaev áskeri qyzmetshilerdiń táýliktik kezekshilik atqaratyn qyzmet oryndaryna, iaǵni 10952 áskeri bóliminiń keshendi ǵimaratyna, avtomobil parkine jáne sarbazdar ashanasyna ekskýrsiia jasady. Is-shara sońynda jinalǵandardy komandir sarbazdar ashanasynda qonaqtarǵa arnap jaiylǵan dámdi dastarhanǵa shaqyrdy. Qonaqtar áskeri qyzmetshilermen bas qosyp tátti taǵamdardan dám tatyp, dastarhanǵa jinalǵandar áskerilerge kóptegen tilekter aitty. Olar Otan qorǵaý jolynda áseri qyzmettiń ystyq-sýyǵyna tózip, áskeri ómirdiń kóptegen shekteýlerine kóne bilý kerektigi týraly oilarymen bólisip, patriottyq taqyrypqa áńgime qozǵady.
Atalǵan is-sharany uiymdastyrýdaǵy bólim qolbasshylyǵynyń alǵa qoiǵan maqsaty – áskerilerdiń otbasylaryna, olardyń jubailary men ákeleriniń erekshe qyzmet ótkerýde, qandai jaýapty da mańyzdy tapsyrmalardy oryndap júrgenin kórsetý, olardyń, iaǵni otbasynyń tarapynan túsinistik tanytyp, qoldaý kórsetý qajettigin jetkizý bolatyn.
Ata-bababalyrymyzdyń «Otan – ot basynan bastalady» degen sózi beker aitylmaǵan. Kezdesýdi joǵary deńgeide uiymdastyrǵany úshin, 10952 áskeri bóliminiń komandiri maior Aibek Kalkaevty Áýe shabýylyna qarsy qorǵanys áskerleriniń qolbasshysy general-maior Serik Ismailov gramotamen marapattady. Sebebi, bizdiń qolbasshymyz áskeri qyzmetshilerge, olardyń otbasy múshelerine orasan zor kóńil bóledi.
Azamat JAǴALBAEV, Áýe shabýylyna qarsy qorǵanys áskerleriniń baspasóz hatshysy, maior.
https://dalanews.kz/34237
