Memleket ózin-ózi jumyspen qamtyp júrgenderdiń tabysy 15 mln teńgeden aspasa "jeke kásipker" retinde tirkelýge mindettemeidi. Bul týraly 27-maýsym elordada jańa salyq kodeksin talqylaýǵa arnalǵan "Nextgen Finance Forum 2024" úlken forýmynda QR Qarjy vitse-ministri Erjan Birjanov málim etti, - dep habarlaidy Dalanews.kz.
"Jańa kodeks sheńberinde azamattardyń jeke kásipker retinde tirkelý shegin joǵarylatyp otyrmyz. Qazirgi tańda 12 ai tabystyq mólsher 1 mln teńge bolatyn bolsa, ol salyq organdarynda jeke kásipker retinde tirkeletin. Jańa kodeks sheńberinde biz bul somany 15 esege kóbeitip jatyrmyz. Ekinshiden, shaǵyn bizneste júrgen azamattar jalpy tabysynan 2% ǵana salyq tóleidi. Biznes ókili ekeni qujat booiynsha tanylyp, ainalymy biz aitqan 15 million teńgeni qurasa jyldyq salyq úlesi – 8% quraidy. Qazirgi tańda qosylǵan qun salyǵyna mindetti túrde turý úshin 20 myń ailyq eseptik tabysy (70 mln assa) bolýy tiis. Jańa rejimde bul shek 7 esege ulǵaiyp, 500 mln teńgege kóterilip jatyr. Salyq tóleýshi biznes ókilderi kásipterin JShS, IP-ǵa bólip tastamai, tek óz atynan júrgizip tolyqqandy salyq tóleidi. Búgin biraz usynystar túsip jatyr. Usynystardyń basym bóligi arnaiy salyq rejimderine qatysty. Jańa salyq kodeksine biz birneshe rejimdi qosqan bolatynbyz, kásipkerler sol ózgeristermen kelispei otyr", - dep atap ótti Erjan Birjanov.
Forým uiymdastyrýshysy, kásipker Ekaterina Kim jańa salyq kodeksiniń asyǵys jasalyp jatqanyna biznes qaýymdastyq narazy deidi.
"Bul forýmnyń uiymdastyrýshylary retinde biznes qaýymdastyq ókilderi men salyq sarapshylarynan tiisti usynystardy jinap, úkimetke jetkizdik. Búgingi forým aiasynda memleket keibir olqylyqtardy túsindi jáne úkimettiń bizneske qulaq asyp jatqany bizdi qýantady. Biznestiń jańa salyq kodeksin talqylaýyna az ǵana ýaqyt berildi, adamdar mundai qatańdatylǵan salyq kodeksin kútpedi. Ákimshilik mindetter men kóptegen tekserýler engizilgen. Atap aitsam, bólshek salyǵy men jeńildetilgen rejimdi alyp tastaýǵa qarsymyz. Úsh jyl moratoriide boldyq, endi salyq tekseristerin qataitpaqshy. Buryn kásipkerlerdiń múddesin qorǵaǵan birneshe pýnktiler qazir múldem joq. Bul biznes úshin úlken másele. Jańa salyq rejimimen shaǵyn kásipkerlerdiń 80% kóleńkeli bizneske ketedi. Otbasylyq bizneske de jol jabyq, sebebi, jyldyq limitti 500 mln teńgege kóterdi. Kásipkerlerdiń ainalymy 500 mln bolǵanymen, tabysy 50-100 mln teńge ǵana bolýy múmkin, al tóleitin qosymsha qun salyǵy, ústeme salyqtarmen minýsqa ketýge bolady", - dedi Ekaterina Kim.
"Atameken" UKP basqarma tóraǵasynyń orynbasary Timýr Jarkenov jańa kodeks kóp jaǵdaida memleket múddesine jumys istep otyrǵanyn alǵa tartty.
"Kodekstegi jańa ózgeristerdiń 70% biznes ókilderi usynǵan edi. Biraq áli de sheshilýge tiis aýqymdy másele bar. Mysaly, buryn salyqqa 3% tólegen kásipker endi 8% tóleýge mindettelip otyr. Biz buǵan kelispeimiz. Sondai-aq ózin-ózi jumyspen qamtýshylarǵa qatysty da birqatar másele bar. Aita keteiin, ónimdi ózi óndirip, ózi satatyn salyq tóleýshiler kúshin korporativtik tabys salyǵy 10%, jeke tabys salyǵy 5% tómendetiledi. Jalpy, jańa qujat memlekettiń ǵana emes, biznestiń de múddesi úshin jumys isteidi dep senemiz", - deidi "Atameken" UKP basqarma tóraǵasynyń orynbasary Timýr Jarkenov.
Aita keteiik, endi jańa salyq kodeksine «sán-saltanat» salyǵy engiziledi. Munda 450 mln teńgeden asatyn jyljymaityn múlikter, qymbat kólikter, iahta, keme, tipti qymbat alkogoldi ishimdikter men tabak ónimderi kiredi. Sondai-aq, salyq 10 jyl burynǵy kólikke 30%, 20 jyldyq kólikke 50% arzandaidy. Endi, salyqqa bereshek 20 AEK jetpese, iaǵni, qaryz 73 myń teńge shamasynda bolsa, birden shottar buǵattalmaidy. Salyq organy birinshi kezekte eskertý jiberedi. Jańa salyq kodeksiniń jobasy 5 shildege deiin halyq talqylaýyna usynyldy. Kez-kelgen qazaqstandyq ashyq portalyna kirip, óz pikirin qaldyra alady.
