Ashyq dialog
Taldyqorǵan qalasynyń Kásipkerler keńesi jarty jyl buryn qurylǵan. 7 otyrysy ótip, onda tarif qunyn anyqtaý, salyq, tabiǵi monopoliialardy retteý máseleleri, kommýnaldyq qyzmetterdiń jumysy kóterildi.
Kásipkerler máselesin ońtaily sheshý maqsatynda qalalyq keńes janynan 4 komitet quryldy. Bular – Qyzmet kórsetý salasy jónindegi komitet (saýda, qoǵamdyq tamaqtandyrý, qonaq úiler jáne t.b.), Agroónerkásip máseleleri jónindegi komitet, Ónerkásip jáne óndiris jónindegi komitet, Áleýmettik qyzmet kórsetý salasy jónindegi komitet (bilim berý, densaýlyq saqtaý. farmakologiia).
«Búgingi tańda qalalyq keńeste 30-ǵa jýyq kásipker bar. Olardyń barlyǵy qoǵamdyq pikir kóshbasshylary, túrli salalyq qaýymdastyqtardyń ókilderi. Keńestiń árbir múshesiniń artynan ondaǵan ergen kásipker bar. Sondyqtan, Kásipkerler keńesi biznes pen bilik úshin dialog alańy», - dep atap ótti Taldyqorǵan qalalyq Kásipkerler keńesiniń tóraǵasy Baniiamin Faizýlin.
Shara aldynda ekinshi deńgeili bankter, qarjylyq institýttar men Kásipkerlikke qoldaý kórsetý ortalyǵynyń qarjylyq ónimderi men servistik qyzmetteriniń kórmesi uiymdastyryldy.
Forým eki paneldik sessiia boiynsha ótti. Qaladaǵy biznes múmkindikterge arnalǵan birinshi sessiiada Taldyqorǵan ákimi Baǵdat Qarasaevqa moderator róli berildi. Onda ol kásipkerlerdiń shahar men aimaq damýyna qosqan úlesine joǵary baǵa berdi. Ol sondai-aq, memlekettik organdardyń qalalyq Kásipkerler keńesimen tyǵyz bailanys jumys jasaý qajet ekenine nazar aýdardy.
«Atqarylyp jatqan jumystar barshylyq. Biraq, salada áli de sheshimin tappaǵan máseleler bar. Men ár kásipkermen jeke-jeke sóilesýge daiiynmyn. Biraq, ol múmkin emes. Sondyqtan, Kásipkerler keńesi qurylǵan. Bar máselelerińizdi osy keńeske salsańyzdar ábden bolady. Al, ákimdik jaǵynan biz sizderdiń barlyq bastamalaryńyzdy qoldaýǵa daiynbyz», - dep atap ótti qala basshysy.
«TK-Metakon» JShS direktory Petr Srebnyi qalada biznes júrgizý jaǵdaiy men iri kásipkerlik sýbektileriniń múmkindikteri jóninde toqtaldy. Almaty oblysynyń Kásipkerlik jáne indýstrialdyq-innovatsiialyq damý basqarmasynyń basshysy Marjan Murat nátijeli jumyspen qamtý jáne jappai kásipkerlikti damytýdyń jańa joldary týraly baiandady.
Sharanyń ekinshi sessiiasy kásipkerler men biliktiń ózara áriptestigi máselelerine arnaldy. Sessiia moderatory, Almaty oblysy Kásipkerler palatasynyń direktory Lázzat Shyńǵysbaeva Palatanyń strategiialyq áriptesteri – ákimdik pen prokýratýra qoldaýymen biznestiń kóptegen júieli máseleleri sheshilgenin aitty.
«Oblys boiynsha 18 filialymyz bar. Árbir aýdan-qaladaǵy biznestiń jaǵdaiy, kásipkerlerlik qaýymdastyqtyń belsendiligi ár túrli. Jergilikti atqarýshy biliktiń de qoldaý deńgeii túrlishe. Tájiribe kórsetkendei, Taldyqorǵan biznes júrgizý boiynsha eń qolaily qala bolyp otyr. Biznestiń damýyna, ásirese, Baǵdat Ábilmájinuly sizdiń qoldaýyńyz zor», - dedi oblystyq palata basshysy.
Biznes pen bilik áriptestigi jolyndaǵy kásipkerler assotsiatsiialarynyń róli men ondaǵy máselelerdi Qazaqstan mektepke deiingi uiymdar qaýymdastyǵynyń Taldyqorǵan qalasy boiynsha filialynyń direktory Marjan Ahmedjanova, Isker áielder qaýymdastyǵynyń múshesi Gúlnar Isataeva, Taldyqorǵan qalasynyń sharýa jáne fermerlik qojalyqtaryn úilestirý keńesiniń tóraǵasy Aleksandr Avdeev tarqatyp berdi.
Mektepke deiingi bilim berý salasynyń ókili Marjan Ahmedjanova qalalyq bilim bóliminiń biznes ókilderimen bailanysynyń joqtyǵyn tilge tiek etip, memlekettik-jekemenshik áriptestikti jaqsartý joldaryn usyndy.
«Qazirgi zaman men ýaqyt memleket pen biznes qarym-qatynasynyń jańa sharttaryn usynyp otyr. Sheneýnikter kásipker problemasyn sheshý úshin bar kúshin salý, suraqty eki jaqtap sheshý qajettiligin túsinýi tiis. Forýmnyń mazmundy baǵdarlamasy, qyzý talqylaýlar sheshý joldaryn birlese anyqtaýǵa, qala áleýetin zamanaýi jáne báseke qabiletti etýge múmkindik beretinine senimdimin», - dep qorytty.
Forým sońyna qarai kásipkerler men bilik ókilderi birlese atqaratyn jumys baǵyttaryn, kelesi jyly ótetin kezekti forýmnyń taqyrybyn anyqtady. 2017 jylǵy shara Kásipkerler keńesi men ákimdiktiń ózara atqarylǵan jumystyń qorytyndylaryna arnalady dep josparlanýda.
Jalpy, qala boiynsha 9 myńnan astam kásipkerlik sýbektisi tirkelgen jáne onda 26 myńnan astam adam jumys isteidi. 2016 jyly jańadan 44 nysan ashylyp, 356 jańa jumys orny paida boldy. Ótken jyly qala kásiporyndary 50 mlrd. teńgeden astam ónim óndirgen. Qala ekonomikasyna 62 mlrd. teńge investitsiia tartyldy.
