1,2 milliard teńge aqsha jymqyrdy dep ustalǵan Almasbek Sadyrbaev osydan eki apta buryn Arman Abdollaǵa suhbat bergen. Bul suhbatta Qazaqstanda bolatyn asharshylyq týraly baiandady, - dep habarlaidy Dalanews.kz Alash.kz ulttyq portaly.
Sadyrbaev óz suhbatynda eldegi nan baǵasynyń qymbat ekenin aityp, onyń shyn baǵasy 50 teńge bolýy keregin aitty.
Sondai-aq, Qazaqstanda qashan asharshylyq bolatynyn da anyqtap berdi.
”Resei men Ýkraina arasyndaǵy soǵys aiaqtalǵan kezde Qazaqstanda asharshylyq bolady. Sebebi, Resei búkil álemdi azyqtandyrýshy el ǵoi. Ol Belarýspen birge bar qushaǵyn ashyp, saýdasyn dollarmen ótkizedi. Al biz sońǵy qalǵan fermerlerden de aiyrylyp jatyrmyz. Agroónim óndiretin mamandar joq bizde. Osy sebepten de Qazaqstan soǵystan keiin asharshylyqqa ushyraidy”,- dedi ol.
Eske salaiyq, búgin qarjylyq monitoring agenttigi Almaty oblysy boiynsha departamenti oblystyq prokýratýramen birlesip, "Shańyraq" qoǵamdyq birlestiginiń basshysy Almasbek Sadyrbaevtyń asa iri mólsherde alaiaqtyq áreketin áshkereledi.
Ol ózi basqaratyn adamdar toby Balqash, Eńbekshiqazaq, Kegen, Raiymbek jáne Uiǵyr aýdandarynda jalǵan aýyl sharýashylyǵy kooperativterin qurdy degen kúdikke ilingen.
Negizgi maqsat - usaq maldyń analyq basyn uryqtandyrýǵa sýbsidiialardy zańsyz alý jáne jemshóp shyǵyndaryn óteý.
Bul úshin zańnamaǵa qaishy aýylsharýashylyq jerleri joq sharýa qojalyqtary tartyldy.
Budan ári jalǵan kadastrlyq nómirlerdi kórsete otyryp, dáieksiz málimetterdi qamtityn sýbsidiialar alýǵa ótinimder qashyqtan berildi.
Bul rette aýyl sharýashylyǵy kooperativteri basshylaryn habardar etpei, olardyń ETsQ-sy paidalanyldy. Osylaisha 1,2 mlrd teńgeden astam qarajat urlanǵan.
Almasbek Sadyrbaev ustaldy. Onyń sybailasy tergeý sotynyń sanktsiiasymen úi qamaýynda.
QPK-niń 201-babyna sáikes ózge de málimetter jariia etilýge jatpaidy.
