Qaırat Satybaldynyń resmı tirkelgen bir ǵana nekesi bolǵany belgili. Olıgarhtyń burynǵy áıeli Gúlmıra Satybaldy ajyrasqannan keıin uzaq jyldar boıy AQSH-ta turdy. Ol Ýnıversıada-2017 nysandaryn jóndeýge bólingen qarajatty urlady degen kúdikke ilinip, 16 naýryzda ustaldy. Tergeý jumystary áli júrgizilip jatyr. Sot 9 shildede Gúlmıra Satybaldyny qamaýda ustaý merzimin taǵy bir aıǵa uzartty.
Eks-prezıdenttiń baýyry odan bólek taǵy tórt áıel alǵany anyqtaldy: Ásel, Saıda, Asyljan jáne Angela. Alaıda olarmen tek musylmandyq jolmen neke qıǵany bolmasa, resmı úılenbegen.
Esimin atamaýdy ótingen derekkóz Qaırat Satybaldynyń tergeý ızolátorynda otyryp óziniń beıresmı áıelderiniń birimen nekesin zańdastyrǵaly jatqanyn habarlady.
Eske sala ketsek, Nursultan Nazarbaevtyń nemere inisi osy jyldyń 13 naýryzynda Almaty áýejaıynyń aýmaǵynda ustalǵan edi. Dýbaıǵa ushpaq bolǵan ol 1,5 mlrd AQSH dollaryn ala ketkisi kelgen.
1 shildeden bastap Qaırat Satybaldy "Qazaqtelekomdaǵy" úlesinen tolyq aıyryldy.
