قايرات ساتىبالدىنىڭ رەسمي تىركەلگەن ءبىر عانا نەكەسى بولعانى بەلگىلى. وليگارحتىڭ بۇرىنعى ايەلى گۇلميرا ساتىبالدى اجىراسقاننان كەيىن ۇزاق جىلدار بويى اقش-تا تۇردى. ول ۋنيۆەرسيادا-2017 نىساندارىن جوندەۋگە بولىنگەن قاراجاتتى ۇرلادى دەگەن كۇدىككە ءىلىنىپ، 16 ناۋرىزدا ۇستالدى. تەرگەۋ جۇمىستارى ءالى جۇرگىزىلىپ جاتىر. سوت 9 شىلدەدە گۇلميرا ساتىبالدىنى قاماۋدا ۇستاۋ مەرزىمىن تاعى ءبىر ايعا ۇزارتتى.
ەكس-پرەزيدەنتتىڭ باۋىرى ودان بولەك تاعى ءتورت ايەل العانى انىقتالدى: اسەل، سايدا، اسىلجان جانە انگەلا. الايدا ولارمەن تەك مۇسىلماندىق جولمەن نەكە قيعانى بولماسا، رەسمي ۇيلەنبەگەن.
ەسىمىن اتاماۋدى وتىنگەن دەرەككوز قايرات ساتىبالدىنىڭ تەرگەۋ يزولياتورىندا وتىرىپ ءوزىنىڭ بەيرەسمي ايەلدەرىنىڭ بىرىمەن نەكەسىن زاڭداستىرعالى جاتقانىن حابارلادى.
ەسكە سالا كەتسەك، نۇرسۇلتان نازاربايەۆتىڭ نەمەرە ءىنىسى وسى جىلدىڭ 13 ناۋرىزىندا الماتى اۋەجايىنىڭ اۋماعىندا ۇستالعان ەدى. دۋبايعا ۇشپاق بولعان ول 1،5 ملرد اقش دوللارىن الا كەتكىسى كەلگەن.
1 شىلدەدەن باستاپ قايرات ساتىبالدى "قازاقتەلەكومداعى" ۇلەسىنەن تولىق ايىرىلدى.
