Asanáli Áshimov aktrisaǵa 1,5 mln teńge syilady
M.Áýezov atyndaǵy Qazaq Memlekettik akademiialyq drama teatrynyń direktory Erlan Bilál ujym atynan jáne QR Mádeniet jáne sport ministri A.Muhamediuly men Memlekettik hatshy G.Ábdihalyqovanyń quttyqtaýyn jetkizip, mereitoi iesine shapan japty.
– Eń birinshi 18 jasymda «Eńlik-Kebek» qoiylymyndaǵy Eńliktiń beinesin somdadym. Bul meniń eń birinshi basty rólim edi. Qobaljydym, ishtei qatty ýaiymdadym. Sol kúiimdi baiqaǵan Kúlásh Baiseiitova «Qoryqpa, ózińdi erkin usta, árbir sózińdi naqty ait. Seniń sózińdi eń sońǵy qatarda otyrǵan kórermen anyq estitin bolsyn» dep, aqyl-keńesin berdi. Alǵash teatr tabaldyryǵyn attaǵan jastarǵa Kúlásh Baiseiitovadai kisilerdiń bir aýyz jyly sózi qanat bitiretin. Shabyttandyratyn. Qazir oilap otyrsam sahnada 200-den astam rólde oinappyn. Ár ról janyma jaqyn boldy. Ony senimdi shyǵarý úshin qanshama izdendim, ter tóktim. Sol keiipker bolyp ómir súrdim. «Qyz Jibekte» Jibek bolsam, «Qozy Kórpesh Baian sulýda» Baian boldym», «Aiman Sholpanda» Aiman, «Er Tarǵynda» Aqjúnis, taǵy basqa kóptegen qoiylymdarda basty róldi somdadym. Sondai-aq, elimizde tuńǵysh ret qoiylǵan Ý. Shekspirdiń «Otella» qoiylymynda Dezdemonany beineledim. Bul ekiniń birine buiyra bermeitin baq edi, – dep mereitoi iesi ótkendi eske aldy.
