Premer-ministrdiń baspasóz qyzmetiniń málim etkeninde prezident Toqaevtyń tapsyrmasy boiynsha premer Smaiylovtyń jetekshiligimen Qaraǵandy óńirinde "ArselorMittal Temirtaý" AQ-nyń Kostenko shahtasynda oryn alǵan tragediianyń sebepterin tergeý jáne saldaryn joiý jónindegi Úkimettik komissiia quryldy.
“Onyń quramyna Premer-Ministrdiń birinshi orynbasary Roman Skliar, tótenshe jaǵdailar ministri Syrym Sháriphanov, ishki ister ministri Erjan Sádenov, densaýlyq saqtaý ministri Ajar Ǵiniiat, eńbek jáne halyqty áleýmettik qorǵaý ministri Svetlana Jaqypova, ónerkásip jáne qurylys ministri Qanat Sharlapaev, quqyq qorǵaý organdarynyń, Qaraǵandy oblysy ákimdiginiń, eńbek inspektsiiasynyń, "Qorǵaý" kómir óndirýshiler kásipodaǵynyń ókilderi jáne t.b. kirdi. Shahtadaǵy órttiń saldarynan toptyq jazataiym jaǵdaidyń sebepterine jan-jaqty tergeý júrgizile”, – delingen habarlamada.
Sonymen qatar keltirilgen zalaldy baǵalaý, zardap shekkenderge jáne qaza tapqandardyń otbasylaryna alǵashqy kómek kórsetý jóninde sharalar qabyldanady.
“Sondai-aq Úkimet "ArselorMittal Temirtaý" AQ aktsionerlerimen aldyn ala ýaǵdalastyqqa qol jetkizgenin jáne kásiporynnyń menshik quqyǵyn Qazaqstan Respýblikasynyń paidasyna berý týraly kelisimshartty rásimdeý aiaqtalý ústinde ekenin habarlaimyz”, – dep qosty baspasóz qyzmetiniń ókilderi.
«ArselorMittal Temirtaý» kompaniiasyna qarasty Kostenko shahtasynda qaza tapqandar sany 21 adamǵa jetti. Qaza tapqandar sany 21-ge jetti, taǵy 23 kenshini izdeý jalǵasýda.
Al úndi milliarderi tarapynan ázir eshbir reaktsiia bolǵan. Depýtat Nikita Shatalovtyń aitýynsha Mittal men onyń qaramaǵyndaǵylardy Qazaqstan azamattarynyń taǵdyry alańdatpaidy.
"Bizge mundai investordyń qajeti joq", - deidi depýtat.
