– Halyq tirkeý tártibin durys túsinbeı qalmaýy úshin jáne HQO-larda túsinbeýshilikter oryn almaý úshin biz daıyndyq jumystaryn júrgizip jatyrmyz. Azamattar óz avtokólikterin zańdastyra alýy úshin úlken merzim beriledi. Tirkeý shamamen aqpan aıynda bastalyp, kedendik jáne tirkeý tólemderi úshin 2021 jyldyń 1 naýryzyna deıin merzim beriledi, – dedi Túsipov.
Onyń sózinshe, mınıstrlik azamattarǵa satyp alǵan avtokólikterin zańdastyrý úshin barlyq qujattaryn daıyndaýǵa qajetti ýaqyt berýdi sheshti.
Dál qazir tirkeý naýqany áli bastalǵan joq, óıtkeni zańdarystyrýǵa qujattar usyný tetigi áli daıyn emes.
– Sońǵy eki-úsh jyl boıy biz jyl saıyn EAEO elderinen jetkizilgen 40 myńǵa jýyq kólik quralyn tirkep kelemiz, olar esh qıyndyqsyz tirkeýge alynýda. Tólenetin somalary salyq zańdarynda naqty kórsetilgen, ol bárine birdeı.
Memlekettik tirkeý nómiri men tirkeý kýáligi úshin shamamen 10 myń teńge ketedi jáne alǵashqy tirkeý úshin kóliktiń shyqqan jylyna baılanysty 600 myń teńgeden bastap mıllıon teńgeden sál asatyn somaǵa deıin tóleý qajet
– dep túsindirdi ol.
Taǵy oqyńyz:
https://dalanews.kz/49510
