Armeniia Premer-ministri Nikol Pashinian Erevannyń UQShU-ǵa músheligin toqtatqanyn málimdedi. Bul týraly ol France 24 telearnasyna bergen suhbatynda jetkizdi, dep habarlaidy Dalanews.kz.
Suhbatta Nikol Pashinian Armeniiaǵa qatysty ujymdyq qaýipsizdik týraly shart oryndalmaǵanyn atap ótti.
"Bizdiń oiymyzsha, Armeniiaǵa qatysty ujymdyq qaýipsizdik týraly shart, ásirese, 2021-2022 jyldary oryndalmady. Bul másele bizdiń nazarymyzdan tys qalmady. Biz osy shartqa qatysýdy toqtattyq. Ary qarai ne bolatynyn kóreiik", - dedi Pashinian suhbatynda.
Armeniiadaǵy Resei áskeri bazasynyń jabylýy múmkin degen suraqqa Pashinian «qazirgi ýaqytta bul týraly áńgime joq» dep málimdedi.
