Vashingtonda AQSh prezidenti Donald Trampt Armeniia premer-ministri Nikol Pashinian men Ázirbaijan prezidenti Ilham Álievti qabyldady. Onyń qatysýymen eki el arasyndaǵy beibit qarym-qatynas ornatý týraly deklaratsiiaǵa qol qoidy,- dep habarlaidy Dalanews.kz
Qujatta taraptar buǵan deiin kelisilgen beibit kelisimdi bekitý jáne ratifikatsiialaý jolynda ilgerileý mindettemesin aldy. Sondai-aq áskeri qaqtyǵystardan bas tartý, bir-biriniń egemendigi men aýmaqtyq tutastyǵyna qurmet kórsetý máseleleri bekitildi.
Deklaratsiiaǵa deiin eki eldiń syrtqy ister ministrleri beibitshilik pen memleketaralyq qatynastar týraly kelisim mátinin qarap shyǵyp, onyń mazmunyn maquldaǵan.
Qujattyń negizgi tarmaqtarynyń biri – óńirdegi kólik qatynastaryn ashý jáne Ázirbaijannyń negizgi aýmaǵy men onyń anklavy Nahichevandy Armeniianyń Iranmen shekaralas bóligindegi aýmaq arqyly bailanystyratyn kólik dálizin qurý. Jańa baǵytqa «Halyqaralyq beibitshilik pen órkendeýge arnalǵan Tramp dálizi» ataýy berildi.
Aq úidiń baspasóz hatshysy Anna Kellidiń aitýynsha, dáliz Armeniianyń egemendigi men aýmaqtyq tutastyǵyna tolyq qurmet kórsetý aiasynda jumys isteidi. Uzyndyǵy 32 shaqyrym bolatyn dáliz adamdar men júkterdiń erkin qozǵalysyn qamtamasyz etip, óńirdegi ekonomikalyq integratsiiany kúsheitpek.
Kelisim boiynsha, AQSh bul jobany júzege asyrý quqyǵyn 99 jyl merzimge jeke ielenedi. Dálizdiń iske qosylýy Ázerbaijan men Túrkiia arasyndaǵy kólik bailanysyn nyǵaityp, óńirlik infraqurylymdyq diplomatiianyń mańyzdy bóligine ainalmaq.
