Qazaqstandyqtar endi Armeniiaǵa da tek jeke kýálikpen bara alady, dep habarlaidy Dalanews.kz.
Senatorlar Qazaqstan men Armeniia arasyndaǵy azamattardyń saparlary men olardyń turý tártibi, sondai-aq kóshi-qon salasyndaǵy yntymaqtastyq týraly kelisimderdi ratifikatsiialady.
Alǵashqy qujat ózara saparlardy jeńildetýdi kózdeidi: endi qazaqstandyq azamattarǵa Armeniiaǵa barý úshin jeke kýálik jetkilikti. Tirkeýsiz bolý merzimi jarty jyl ishinde 90 kúnge deiin uzartyldy. Bul týrizmniń damýyna, iskerlik bailanystardyń nyǵaiýyna jáne gýmanitarlyq qatynastardyń artýyna yqpal etpek.
Ekinshi kelisim kóshi-qon salasyndaǵy yntymaqtastyqty retteidi. Onda derekter men quqyqtyq aqparat almasý, zańsyz kóshi-qon men qos azamattyqqa qarsy birlesken sharalar, sondai-aq tiisti organdardyń is-qimyldaryn úilestirý qarastyrylǵan.
Aita keteiik,Qazaqstan azamattary Qyrǵyzstanǵa da tek jeke kýálikpen bara alady.
Bul múmkindik 2007 jyldan bastap EAEO aiasyndaǵy kelisimder men ekijaqty sharttarǵa sáikes engizilgen. Qazaqstandyqtarǵa Qyrǵyzstanǵa kirý úshin sheteldik pasport qajet emes, jeke kýálik jetkilikti.
-
Qazaqstan azamattary Qyrǵyzstanda 30 kúnge deiin tirkeýsiz bola alady.
-
Uzaq ýaqytqa qalý úshin jergilikti kóshi-qon organdaryna tirkelý qajet.
