Arystyń sharýalary ónimderin Eýropaǵa eksporttady
Toǵyz joldyń torabynda ornalasqan Arys qalasynyń sharýalary 5500 gektarǵa egilgen baqsha ónimderinen búgingi kúni 134 myń tonnadan astam qaýyn, qarbyz ónimin jinaǵan. Arys negizinde ataqty dermenesimen qatar dámi til úiirer qaýyn-qarbyzymen de maqtanady.
Búginde diqandar kúzdik baqsha ónimderiniń 55 760 tonnasyn Germaniia, Baltyq elderi men Resei eliniń Máskeý qalasyna jáne Novosibir, Penza, Samara oblystaryna jóneltti. Al, 63 myń tonna qaýyn men qarbyzdy Astana men Almaty qalasyna jiberse, qalǵanyn oblys naryǵyna saýdalaǵan. Sharýalar Syrdariia jáne Arys ózeniniӊ igiligin tiimdi paidalanyp, ózderine tiesili alqaptarda jiyn-terim naýqanyn oidaǵydai júrgizýde.
Memleket basshysynyń tapsyrmasyna sáikes, aýylsharýashylyǵy ónimderin eksportqa shyǵarý bul oblystyń ótken jáne aldyńǵy jyldardaǵy basym baǵyttarynyń biri bolyp otyr. Jergilikti biliktiń maqsaty ishki rynokty qamtamasyz etip, eksport áleýetin arttyrý.
Agrarly aimaqtyń – aýyl sharýashylyǵyn jańa damý deńgeiine kóterip, básekege qabiletti ónim shyǵarýǵa áleýeti jetedi. Bul baǵytta búginde óńirde tiisti deńgeide jumystar atqarylýda.
OQO ákiminiń baspasóz qyzmeti
https://dalanews.kz/31029
