Eks-mınıstr Muhamedıulynyń 3,5 mıllıard teńge bolatyn nysandary memleketke qaıtarylmaq, - dep habarlaıdy Dalanews.kz Bas prokýratýraǵa siltep.

Bas prokýratýra memlekettik múlikti basqarýjáne jekeshelendirý salasynda tekserý júrgizgen. Jekelegen jaǵdaılarda memlekettik múlikti satý zańǵa qaıshy keletini anyqtaldy, sondyqtan prokýrorlar 4,8 mıllıard teńgeden astam somaǵa múlikti memleket menshigine qaıtarýdy qolǵa alǵan.

Olardyń bireýin sot qanaǵattandyrdy.

"Mysaly, 2019 jyly burynǵy mádenıet mınıstri Muhamedıulymen úlestes jeke kompanıanyń paıdasyna 332 mıllıon teńgege Sý jáne qoldanbaly sport túrleri boıynsha respýblıkalyq joǵary sport sheberligi mektebi ótip ketken. Almaty qalasynda ornalasqan kásiporyn satylǵanǵa deıin 662 mıllıon teńgege baǵalandy", - delingen habarlamada.

Bul rette, múliktik keshenniń naqty naryqtyq quny 1,213 mıllıard teńge boldy, somadaǵy aıyrmashylyq kásiporynnyń uzaq merzimdi aktıvteriniń tómendeýinen kóringen.

Almaty prokýratýrasynyń talap qoıýy boıynsha sot kásiporyndy satyp alý-satý shartyn jaramsyz dep tanydy.

"Sonymen qatar, Astana men Almatyda prokýrorlardyń talap qoıýlary boıynsha burynǵy Mádenıet mınıstri Muhamedıulymen baılanysty kompanıalarǵa buryn satylǵan 3,5 mıllıard teńgeden astam somaǵa taǵy úsh obektini memleket menshigine qaıtarý týraly sot talqylaýlary júrip jatyr".

Bıyl 29 aqpanda Arystanbek Muhamedıuly tórt bap boıynsha 11 jylǵa bas bostandyǵynan aıyrylǵan bolatyn. ol: 

"Altyn adamnyń sherýi" kórmesin ótkizý kezinde aqsha jymqyrǵany jasaǵany úshin;

laýazymdyq ókilettikterdi teris paıdalaný;

"Dıplomat" qonaqúıimen baılanysty reıderlik áreketteri úshin;

para berýge áreket jasaǵany úshin.