Arysta ulttyq qundylyqtardy nasihattaityn ortalyq ashylady
Kezdesýdiń maqsaty – toǵyz joldyń toraby atanǵan kieli meken Arys qalasynyń tynys-tirshiligimen tanysyp, aǵa býyn ókilderiniń usynys-pikirlerin tyńdaý.
– Qazaqta úi aldynda tóbe bolsa ertteýli turǵan atpen teń, aýylynda qartyń bolsa jazýly turǵan hatpen teń degen qanatty sóz bar. Sizdermen aqyldasyp, keńese otyryp Arys óńirin oblysymyzdyń aldyńǵy qatarly qalalarynyń qataryna shyǵarý úshin, eldi yntymaqqa shaqyryp, birlese jumys isteýimiz qajet, – dedi jiynda shahar basshysy.
Ardager, ustaz, "Ardagerler keńesi" qoǵamdyq birlestiginiń alqa múshesi Q.Balqybekov ardagerlerdiń tynys-tirshiligine toqtalyp, óskeleń urpaqqa ónege beretin, ulttyq qundylyqty nasihattaityn ortalyq ashý qajettigin jetkizdi. Gúljan Mamytqyzy usynysty nazarǵa alyp, qoldaý bildirdi.
Shara barysynda jiynǵa kelgen eńbek ardagerleri Arys qalasyn damytý úshin ekonomika, aýyl sharýashylyǵy, kommýnaldyq salalarǵa qatysty usynystar-pikirlerin bildirip, qala ákimi Gúljan Mamytqyzyna aldaǵy atqarar jumystaryna sáttilikter tiledi.Tiisinshe qala basshysy aldaǵy ýaqytta ardagerlermen jáne ziialy qaýym ókilderimen tyǵyz bailanysta bolyp, óńirdiń damýyna óz úlesterin qosýǵa shaqyrdy.
