Sektorǵa qarasty 527 úıge qaıta jóndeý jumystary jasalyp, 5 úı tolyq qaıtadan quryldy. Ol úshin Shyǵys Qazaqstan oblysynan kelgen 10 qurylys kompanıasynyń 300-den astam qurylysshysy men 10-ǵa jýyq tehnıkasy jumyldyrylyp, az ǵana ýaqyttyń ishinde qyrýar jumys atqaryldy.
Qurylys jumystary júrip jatqan ýaqytta kómek qolyn sozyp, azyq-túlik, kıim-keshek pen medısınalyq dári-dármekter, gıgıenalyq zattarǵa deıin jetkizip berip, qıraǵan baspanalaryn qalpyna keltirýge kómekteskeni úshin jáne sektordy kúl-qoqystan tazartýda qyrýar jumystar atqarǵan maqtaaraldyqtarǵa Arys qalasynyń 8-sektor turǵyndarynyń aıtar alǵysy sheksiz.
Kúni keshe «Arys Hol» meıramhanasynda maqtaaraldyqtar bitken baspanalardy ıelerine tapsyryp, sektor turǵyndary men qurylysshylarǵa arnap as berdi. Aq dastarhan basynda aq tilekter aıtylyp, izgi nıetter aqtaryldy.
Maqtaaral aýdanynyń ákimi Baqyt Asanov qalany qalpyna keltirý isinde ónege kórsetip, eńbegi elengen birqatar azamattardy óziniń jáne aýdandyq máslıhat hatshysynyń, «Nur Otan» partıasynyń oblystyq fılıaly tóraǵasy orynbasarynyń alǵys hattarymen marapattap, baǵaly syılyqtardy tabys etti.
Maqtaaral aýdany ákiminiń baspasóz qyzmeti
