Aralbekova basqarma basshysy boldy
Aralbekova Qarlyǵash Ámirqyzy 1977 jyly týylǵan, bilimi joǵary, 2000 jyly Ál-Farabi atyndaǵy Qazaq memlekettik ulttyq ýniversitetin «halyqaralyq ekonomikalyq qatynastar» mamandyǵy boiynsha bitirgen, 2003 jyly Abai atyndaǵy Almaty Ýniversitetiniń ekonomika (qarjy jáne nesie) magistri biliktiligi men akademiialyq dárejesi berildi.
Eńbek jolyn 2003 jyly Almaty qalasynda «Alex Stewart International Corporation» JShS-da menedjer bolyp bastaǵan.
2004 jyldyń shilde-jeltoqsan ailary aralyǵynda «Betta Star» JShS-niń nesie menedjeri, 2005 jyldyń qańtar-jeltoqsan ailary aralyǵynda «Almaty Qus» AQ-da nesie menedjeri, 2005-2009 jyldary «ATF Bank» AQ-nyń Shaǵyn jáne orta biznes departamentiniń bas mamany, basqarma bastyǵy, óńirlik menedjeri, «ATF Bank» AQ-nyń Taldyqorǵan qalasyndaǵy filialynyń direktory, 2009-2012 jyldary «Alians Bank» AQ-nyń Shaǵyn jáne orta biznes departamentiniń basqarma bastyǵy, departament bastyǵy, 2012-2015 jyldary «Alians Bank» AQ-nyń jáne «Bank TsentrKredit» AQ-nyń Taraz qalasyndaǵy filialdarynyń direktory, 2015-2017 jyldary Jambyl oblysy kásipkerler palatasynyń direktory qyzmetterin atqarǵan.
