Aral aýdanynda qaıtarylǵan aktıvter esebinen salynǵan jańa sý júıesi paıdalanýǵa berildi, dep habarlaıdy Dalanews.kz.
Qyzylorda oblysynyń Aral aýdanynda Tastúbek aýylynda jańa sý júıesiniń saltanatty túrde iske qosylý rásimi ótti.
Áleýmettik nysan prokýratýra organdarymen memleketke qaıtarylǵan qarajat esebinen salyndy.
Áleýmettik nysannyń ashylýyna aýdan ákimi Amanjol Ońǵarbaev, aýdan prokýrory Daryn Ábish jáne qoǵam ókilderi qatysty.
Jobanyń júzege asyrylýy 100-den astam aýyl turǵynynyń sapaly aýyz sýǵa qol jetkizýine múmkindik berdi.
Buǵan deıin aýyl turǵyndary aýyz sýdy tasymal arqyly paıdalanyp kelgeni belgili, bul olardyń kúndelikti turmysyna aıtarlyqtaı qıyndyq týdyrǵan.
Aýyzsý nysandarynyń iske qosylýy memleketke qaıtarylǵan aktıvterdiń azamattardyń ómir súrý sapasyn arttyrýǵa jáne áleýmettik ádildikti qamtamasyz etýge baǵyttalǵan tıimdi paıdalanylýynyń jarqyn dáleli bolyp tabylady.
