Qazir Jańajol aýylynda jumys qarqyndy. Okrýg ákimi Moldabek Bitemirovtiń aitýynsha, aýyl turǵyndary qyzylshanyń «Pavlo», «Boro», «Vodan F1» atty tuqymdaryn shetelden aldyryp, otbasylyq biznes retinde óz úileriniń irgesindegi shaǵyn alqapqa egip jatyr. Aýyl aqsaqaly Qalmuhamed Jálelov joǵaryda atalǵan suryptar dál osy Jańajol aýylynyń topyraǵynda ósip shyqqanda ǵana erekshe dámge ie bolatynyn, sondyqtan munda qyzylshaǵa joǵary suranys bar ekenin jetkizdi.
Qazirgi tańda diqandar 25 gektarǵa tuqym egip úlgergen. Sondai-aq egilgen tuqymdy qymtap, qystyń qatty aýa-raiynan qorǵaidy. 2 jarym aidan keiin ónim bere bastaityn kókónistiń bul túrinen gektaryna 25-30 tonna ónim alýǵa bolady eken. Odan keiin diqandar ekinshi ónim retinde qyzanaq, qiiar jáne mal azyqtyq daqyldaryn egedi.
«Qyzylsha egiletin jer óte qunarly bolýy tiis. Ol úshin selitra, ammofos, maldyń qilary arqyly jer tyńaitylady. Agrotehnikalyq sharalardyń basym bóligi qoldyń kúshimen isteletindikten, qyzylsha egý úshin qajyrly eńbek kerek ekeni eskerilýi tiis. Qajyrly eńbektiń sońy – úlken tabysqa alyp keledi» – dedi okrýg ákimi M.Bitemirov.
Aita keteiik, byltyr erte kóktemde ónim alǵan A.Qalybekov aýyldyq okrýginiń diqandary Almaty, Astana, Qaraǵandy qalalaryna jáne Resei memleketine qyzylsha satyp, tabys tapqan. Biyl da bul baǵytta jumys júredi.
