2007 jylǵy Qazaqstan zańyna boiynsha Ánuran, Tý, Eltańbamyz memlekettik rámizderimizge kiredi. Ony barlyq qazaqstandyqtar jaqsy biledi. Aldaǵy ýaqytta muny oqý baǵdarlamasyna da kirgizý kerek. Ár oqýshy maǵynasyn jatqa bilýi shart. Óitkeni otanymyz qasterleitin rámizi bolyp tabylady.
Rámizdiń ishinde kóbine Ánuranymyz shetelde sporttaǵy jetistikterde shyrqalyp júr. Sondyqtan Ánurandy mektepterde ulttyq ideologiia retinde oqýshylardyń boiyna sińirý mańyzdy. Ol – bizdiń asa joǵary qol jetpes, qundy rámizderimiz.
Bilim ministrligi bul baǵytta jumys istep, jastardyń patriottyq sezimin ushtaý mańyzdy. Eger muny bilmese jastarymyz Otan men eldi qalai qorǵaidy?
Búginde jastar táýelsizdigimiz qalai keldi, babalarymyzdyń jerimizdiń qorǵaǵan erligin bilýi tiis.
Jalpy rámizderdi oqýshylardyń bireýi bilse, biri bilmeidi. Oǵan jaqynda ǵana ázirlengen saýalnama dálel.
Saýalnamaǵa qatysýshylardyń 70% eltańbamyzdyń beinesindegi jekelegen elementteriniń mán-maǵynasyn túsinbeitinderin ashyq aitqan. Bul degenimiz uiat dúnie!
Bul rette memleketimizdiń rámizderi osy jyldar ishinde óz missiiasyn oryndai almaǵany ma degen de oi keledi. Sol sebepti aldaǵy ýaqytta memlekettik rámizderdi nasihattap, onyń ár detaline mán berimiz kerek.
Rámizderdiń dárejesi men qundylyǵy Konstitýtsiiamyzben de bekitilgen. Táýelsiz memlekettiń Týy bolady. Qazir týymyzdy balkondarǵa ilip qoiýǵa da ruqsat berilgen. Buryn ilinse, ákimshilik aiyppul salynatyn. Qazir zańǵa da ózgeris engizilip, ár azamat týdy qasterleý kerek ekenin eskerip, balkondarǵa da ilýge ruqsat berdi.
Mundaǵy maqsat kez kelgen jas táýelsiz memleketimizdiń týyn bilip óssin, ult retinde qurmet tutsyn degen oi jatyr. Memlekettiń rámizderdiń mektepterde de oqytyp, oqýlyqtarǵa kirgizý kerek.
Ókinishke orai, bizder osy qundylyqtarymyzdy Rámizder kúni ǵana eske alyp, sol kúni ǵana suqbattar júrgizedi. Negizi bul baǵyttaǵy jumystar kúndelikti júrýi shart.
Qosa ketetinim, rámizderdi nasihattaý jumystary tek qana mektep oqýshylary emes, memlekettik organdar, kompaniialarda da júzege asyrýy tiis. Óitkeni keibir sheneýnikter Ánurannyń avtoryn da bilmeidi. Osynyń bárin mektepten bastap boiǵa sińirýidiń mańyzy zor.
Búginde sheneýnikterdiń Ánurandy bilmei abdyrap qalǵanyn kórip júrmiz. Sondyqtan attestatsiiaǵa osy suraqtardyń bárin qosý kerek dep oilaimyn. Bylaisha qarap otyrsaq, ár adam bilýge mindetti!
Álimjan JUBATQANOV, advokat.
