Boksshy Janqosh Turarov áleýmettik jeli men BAQ-ta qyzý talqylanyp jatqan daýly máselege qatysty taǵy da málimdeme jasady, - dep habarlaıdy Dalanews.kz.
Sportshy baspasóz konferensıasyn ótkizbek.
"Maǵan qatysty suhbat berip jatqan adamnyń laıly áńgimeleri múldem qyzyq emes. Meniń ómirlik ustanymdarym, maqsattarym múlde basqa. Aqıqat oryn alatynyna senimdimin. Soǵan baılanysty meniń zańdy advokatym baspasóz konferensıasyn ótkizetin bolyp sheshti", - dedi ol áleýmettik jelide.
Aıta keteıik, buǵan deıin tanymal qazaqstandyq boksshy Jankosh Turarov «qyz zorlady» degen aqparat tarap ketti. Máselege Almaty polısıasy pikir bildirdi.
Polısıanyń málimetinshe, Almaty qalasy Áýezov aýdanynyń Polısıa departamenti qylmystyq is qozǵaǵan.
«Sot-medısınalyq saraptama taǵaıyndaldy. Qazir oqıǵanyń mán-jaıyn anyqtaý úshin tergeý jalǵasyp jatyr», — dep jazylǵan habarlama.
Keıin Janqosh Turarov ózine taǵylǵan aıyptarǵa jaýap berdi.
«3 qyz ósirip otyrǵan ákemin! Tósektes qyz kerek bolsa maǵan zorlamaı-aq keletin jaǵdaıym bar! Qaıdan shyqqan jala ekenin ózim de túsinbeı otyrmyn, qazir máseleniń mán jaıyn anyqtap, kim qandaı jala taǵyp otyrǵanyn anyqtaıtyn bolamyn», — dedi ol.
