Aqtóbede úsh apta buryn joǵalyp ketken on jasar bala áli tabylmady, dep habarlaidy Dalanews.kz.
Saryjar aýylynyń 10 jastaǵy turǵyny Mansur Samatov 29 naýryz kúni joǵalyp ketken. Sol kúni shamamen saǵat 14:30-da ol úiinen shyǵyp, balalarmen oinaýǵa ketken.
Keiin balalar aýyldan 5 shaqyrym jerdegi Ilek ózenine barǵany belgili boldy. Sol jerde bala taiyp ketip, sýǵa qulaǵan, dep jazady «Diapazon».
Sodan beri Mansurdy izdeýge júzdegen qutqarýshy men erikti jumyldyrylǵan, alaida ol áli tabylǵan joq.
Tótenshe jaǵdailar departamentiniń málimetinshe, izdeý jumystaryna TJD qyzmetkerleri, 20982 áskeri bóliminiń sarbazdary, politsiia, eriktiler jáne jergilikti turǵyndar qatysyp jatyr. Qazir izdeýge 110 adam jumyldyrylǵan. Olardyń qatarynda qutqarýshylar, súńgýirler, kinologtar (ittermen), meditsina qyzmetkerleri bar. Sonymen qatar qaiyqtar men alty drondy qosa alǵanda, túrli tehnika qoldanylýda.
Súńgýirler kún saiyn 30–35 shaqyrym sý aidynyn tekseredi. Qaiyqtarmen ózenniń 25–30 shaqyrymy qaralady. Jaiaý toptar 15–20 shaqyrym aýmaqty sholyp shyǵady. Drondar 10–15 shaqyrym jerdi áýeden baqylaidy, eholokator da qoldanylyp jatyr.
Izdeý jumystary ózen aǵysynyń qatty bolýyna, sýdyń lailyǵyna jáne ósimdiktiń qalyńdyǵyna bailanysty qiyndyq týǵyzýda. Soǵan qaramastan, izdeý táýlik boiy toqtaýsyz jalǵasyp jatyr.
