Aqtóbede joǵary laýazymdy prokýrordyń ustalǵany belgili boldy, dep habarlaidy Dalanews.kz.
Halyqstan usynǵan aldyn ala málimetterge sáikes, ol oblys aýdandarynyń birinde bolǵan qylmystyq isti toqtatý úshin iri kólemde para aldy degen kúdikke ilingen.
Kúdiktini UQK-niń Sybailas jemqorlyqqa qarsy qyzmetiniń ortalyq apparatynyń jedel qyzmetkerleri ustaǵan. Operatsiiaǵa Bas prokýratýranyń Ózindik qaýipsizdik departamenti de qatysqan.
Qazir atalǵan fakti boiynsha sotqa deiingi tergeý bastaldy. Prokýrorǵa qatysty bultartpaý sharasy ázirge jariialanǵan joq.
Aqtóbe oblysynyń prokýratýrasy qyzmetkerdiń ustalǵanyn joqqa shyǵarmaidy, alaida tergeý qupiiasyna bailanysty qosymsha málimet berýden bas tartty.
