Aqtóbe oblysynda kelinin zorlady degen aiyp taǵylǵan 53 jastaǵy er adamǵa sot úkimi shyqty. Bul týraly "Diapazon" basylymy jazdy, dep habarlaidy Dalanews.kz.
Oqiǵa jaily aqparat alǵash ret 2025 jylǵy qarashada áleýmettik jelilerde taraǵan. Alǵa aýdany Besqopa aýylynyń turǵyndary kúdikti burynnan ishimdikke áýes ekenin aitqan. Ol Toqmansai aýylynan kóship kelip, ógei uly jáne onyń jubaiymen birge turǵan.
Tergeý nusqasyna sai qylmys kelin úide jalǵyz qalǵan sátte bolǵan. Mas kúidegi qaiyn ata áielge kúsh kórsetip, zorlyq jasaǵan.
Aqtóbe oblystyq Politsiia departamenti sol kezde 22 jastaǵy turǵyndy zorlaý deregi boiynsha kúdikti ustalyp, ýaqytsha ustaý izoliatoryna qamalǵanyn málimdegen bolatyn.
Sot barysynda aiyptalýshy kinásin moiyndamaǵan. Soǵan qaramastan sot zorlyq deregin dáleldengen dep tanyp, ony segiz jylǵa bas bostandyǵynan aiyrý jazasyna kesti.
Úkim áli zańdy kúshine engen joq.
