Kezdesý barysynda Aqtóbe ftizipýlmonologiialyq ortalyǵynyń qyzmetkerleri «AMANAT» partiiasynan Aqtóbe oblystyq máslihat depýtattyǵyna úmitkerler Qudaibergen Bekenov, Erlan Tatimovqa aldaǵy sailaýda sáttilik tiledi.
Ujymda jarty myńnan astam qyzmetker bar, al ortalyqtyń ózi eldegi eń áleýmettik mańyzy bar dert – týberkýlezdi emdeýde kópjyldyq tarih pen birqatar jetistikterge ie.
Úmitkerler dárigerlermen jáne qyzmetkerlermen jan-jaqty áńgimelesti. Partiianyń sailaýaldy baǵdarlamasyn túsindire otyryp, halyqtyń ál-aýqatyn arttyrý jáne laiyqty eńbek jaǵdailaryn jasaý partiianyń basty mindeti ekenin atap ótti.
— Partiianyń alǵa qoiǵan mindetteriniń biri – sapaly jumys oryndaryn qurý. Sondyqtan partiia jumysshylardyń eńbek jaǵdaiyn jaqsartý jáne jumys oryndaryn qurý úshin jyl saiyn keminde 300 kásipkerlik sýbektisine qarjylyq qoldaý kórsetip, jyl saiyn bos jumys oryndaryna keminde 22 myń adamdy jumyspen qamtýǵa jaǵdai jasaidy, — dedi Erlan Tatimov.
Úmitker sondai-aq partiia óńirde sapaly meditsina qurýǵa barlyq jaǵdaidy jasaitynyn basa aitty.
— Biz 42 densaýlyq saqtaý nysanyn sapaly jáne ýaqtyly salýǵa kúsh salamyz, kem degende 35 densaýlyq saqtaý nysanynyń ǵimarattaryn kúrdeli jóndeýden ótkizýdi qamtamasyz etemiz. Sondai-aq qaterli isikterdi erte anyqtaý úshin keminde 100 myń adamdy skriningten ótkizýge yqpal etemiz. Kem degende 400 meditsinalyq tehnika, sondai-aq jedel járdem kólikteri satyp alynady, — dep tolyqtyrdy Erlan Tatimov.
Qudaibergen Bekenov óz kezeginde azamattardyń senimi úlken jaýapkershilik ekenin atap ótti.
— Osyny negizge ala otyryp, «AMANAT» partiiasynyń sailaýaldy baǵdarlamasynyń negizgi basymdyqtary – halyqtyń kókeitesti máselelerin sheshý, tiimdi keri bailanys, halyqtyń muń-muqtajyna jedel den qoiý. Partiianyń bastamalary barlyq azamattardyń teń múmkindikterin qamtamasyz etip, qoǵamnyń damýyna yqpal etedi, — dedi ol.
Kezdesý sońynda úmitkerler ortalyq qyzmetkerlerin sailaýǵa belsendi qatysyp, «AMANAT» partiiasyna daýys berýge shaqyrdy.
Aqtóbe oblystyq máslihaty depýtattarynyń sailaýynda
partiialyq tizimdi usynǵan «AMANAT» partiiasy sailaý qorynyń qarajatynan tólendi.
