Aqtaý mańynda apatqa ushyraǵan Ázerbaijan ushaǵyna qatysty jańa derekter tarady, - dep habarlaidy Dalanews.kz.
VChK-OGPÝ telegram arnasynyń málimetinshe, Ázerbaijannan Groznyiǵa ushqan ushaq Sheshenstannyń Naýr aýdanynyń ústinde áýe shabýylyna qarsy qorǵanys (ÁShQQ) quraldarynyń soqqysyna ushyraǵan. Sol ýaqytta dál osy aýdanda eki dronǵa qarsy oq atylǵan.
"Oqiǵadan eki apta buryn Groznyi áýejaiy aýmaǵyna eki "Pantsir" zymyrandyq kesheni ornatylǵan bolatyn. Bilik oqiǵanyń mán-jaiyn birden túsingenge uqsaidy, óitkeni ushaqqa soqqy tigennen keiin bir minýt ótpei-aq "Kover" rejimi jariialanǵan.
Sonymen qatar, tragediia kezinde ushaqty basqarǵan dispetcher Ali Idrisov bolǵan, ol Ramzan Qadyrovtyń súiikti klýby "Terek" (qazirgi "Ahmat") komandasynyń burynǵy oiynshysy. 29 jeltoqsanda keshki ýaqytta ony tergeý amaldary júrgizilgen.
Idrisov áýe qorǵanysy júiesiniń jumys istep turǵanyn bilmegenin, al "Kover" rejimi týraly aqparatty oqiǵadan bes minýt ótken soń ǵana alǵanyn málimdedi.
"29 jeltoqsanda kesh boiy Reseidiń Tergeý komitetiniń tergeýshileri Groznyidaǵy áýe qozǵalysyn uiymdastyrý jónindegi memlekettik korporatsiianyń jergilikti filialynyń qyzmetkerlerin tergedi. Áýe oqiǵasyna qatysty kýáger retinde jaýap bergen dispetcher Ali Idrisov "Baký-Groznyi" reisin qondyrýdy uiymdastyrǵan.
Qyzyq derek: Ali Idrisov dispetcher bolmas buryn kásibi fýtbolshy bolǵan jáne Groznyidyń "Terek" (qazirgi "Ahmat") komandasynda oinaǵan. 2016 jyly fýtbol mansabyn aiaqtaǵan soń, ol Qurylysshylardyń óńiraralyq birlestigine zańger bolyp jumysqa ornalasqan. Birneshe jyl ótken soń, 33 jastaǵy Ali Idrisov dispetcher qyzmetine kiristi", - delingen telegramdaǵy jazbada.
VChK-OGPÝ málimetinshe, Idrisov bul oqiǵany ekipajdyń habarlamasyna súiene otyryp, sońyna deiin qustarmen soqtyǵysý saldarynan bolǵan dep oilaǵan.
