Aqtaýda otbasylyq qundylyqtardy nasihattaityn mýltserial túsirý josparlanyp otyr. Jobaǵa 20 mln teńge qarastyrylǵan. Baiqaýdyń tehnikalyq tapsyrmasynda jasandy intellektini mindetti túrde qoldaný talaby kórsetilgen. Konkýrsqa qatysýǵa niettiler de az emes, dep habarlaidy Dalanews.kz Protenge.kz-ke silteme jasap.
Mýltserialdyń siýjeti ata men nemereniń qarym-qatynasyna qurylady. Tehnikalyq sipattamada bul jeli arqyly kishi jáne aǵa býyn arasyndaǵy aiyrmashylyqtar men erekshelikter ulttyq tárbie negizderin buzbai ashylýy kerek ekeni jazylǵan.
Joba jalpy 15 seriiadan turady. Ár bólimniń uzaqtyǵy 3 pen 5 minýt aralyǵynda bolady.
Mýltserialdy telearnalardan jáne mediatulǵalardyń áleýmettik jelidegi paraqshalarynda kórsetý josparlanǵan. Al negizgi aýditoriiasy 13 jasqa deiingi balalar bolmaq.
