Aqtaýdaǵy "MAEK" JShS-de (Mańǵystaý atom energetikalyq kombinaty) oqys oqiǵa bolyp, saldarynan eki jumysshy jaraqat aldy. Bul týraly Mańǵystaý oblystyq memlekettik eńbek inspektsiiasy departamenti málim etti, dep habarlaidy Dalanews.kz.
Vedomstvonyń málimetinshe, oqiǵa 23 sáýir kúni saǵat 10:30 shamasynda bolǵan. Aldyn ala aqparat boiynsha, eki qyzmetker negizgi kondensatordy qyshqylmen jýý jumystaryn júrgizgen. Tuz qyshqyly eritindisi arnaiy sorǵy arqyly shlangpen berilgen.
Saldarynan eki jumysshynyń beti men kózi qyshqyldan kúiip qalǵan.
Mańǵystaý oblystyq memlekettik eńbek inspektsiiasy departamenti basshysynyń mindetin atqarýshy Baýrjan Kemalovtyń aitýynsha, jazataiym oqiǵa týraly jumys berýshi belgilengen tártippen habarlaǵan.
"Qazirgi ýaqytta zardap shekkenderdiń jaraqatynyń aýyrlyq dárejesine qatysty meditsinalyq qorytyndy kútilýde. Eger aýyr nemese toptyq jazataiym oqiǵa belgileri anyqtalsa, tergeý memlekettik eńbek inspektorynyń qatysýymen arnaiy formatta júrgiziledi", – dedi ol.
Aita keteiik, 2024 jyldyń jeltoqsanynda osy Aqtaýdaǵy atom energetikalyq kombinatynda jóndeý tsehynyń sheberi qubyr basyp qalyp, qaza tapqan edi.
