Aqtaýlyq polıseıler 6 jasar qyzdy zorlaǵan pedofıldi qolǵa túsirdi. 32 jastaǵy azǵyn oıyn balasyn aıýandyqpen azaptaǵanyn ózi de moıyndaǵan. Onyń kishkentaı qyzǵa seksýaldyq qysym kórsetkenin arnaıy saraptama da dáleldepti dep habarlaıdy KTK arnasy.

Al búldirshinniń ózi múgedek bolyp qalýy múmkin. Dárigerlerdiń aıtýynsha, oıyn balasynyń mıy qatty shaıqalǵan. Áli esin bilmeıdi. Kishkentaı qyz qazir Astanadaǵy Ana men bala ǵylymı ortalyǵynda jansaqtaý bóliminde jatyr. Densaýlyǵyn elordalyq dárigerler kúni-túni baqylaýda.

Biraq budan  qyzdyń beti beri qaraıtyn túri joq.

Esterińizge salsaq, eldi dúrliktirgen jantúrshigerlik oqıǵa 20-shy tamyz kúni bolǵan. 6 jasar qyz joǵalyp ketip, birneshe saǵattan soń qansyraǵan sábı Aqtaý shetindegi saıajaıdan tabylǵan edi. Sóıtse, azǵyn búldirshindi aıamaı, oıyna kelgenin istepti.