Taıaý Shyǵystaǵy turaqsyz jaǵdaıǵa jáne óńirde engizilgen shekteýlerge baılanysty FlyArystan áýekompanıasy Aqtaý – Dýbaı – Aqtaý baǵyty boıynsha reıster kestesine ózgerister engizdi, dep habarlaıdy Dalanews.kz.
Ushý qaýipsizdigin qamtamasyz etý jáne qalyptasqan jaǵdaıdy eskere otyryp, atalǵan baǵyttaǵy reıster 2026 jylǵy 31 naýryzdy qosa alǵanda ýaqytsha toqtatylady. Buǵan deıin reıster aptasyna eki ret – seısenbi jáne senbi kúnderi oryndalyp kelgen.
Kúshi joıylǵan reısterdiń jolaýshylaryna bıletterdi satyp alǵan orny boıynsha áýebılet quny tolyq kólemde aıyppulsyz qaıtarylady nemese sapardy keıingi kúnderge tegin qaıta brondaý múmkindigi usynylady.
Áýekompanıa óńirdegi jaǵdaıdyń damýyn muqıat baqylaýdy jalǵastyrýda jáne avıasıalyq bılik organdarymen ári basqa da tıisti qurylymdarmen turaqty baılanysta jumys júrgizýde.
Kúshi joıylǵan reısterge qatysty barlyq suraqtar boıynsha jolaýshylar FlyArystan áýekompanıasynyń resmı arnalary arqyly qoldaý qyzmetine habarlasa alady: baılanys ortalyǵy (qońyraýlar jáne WhatsApp), sondaı-aq saıttaǵy jáne mobıldi qosymshadaǵy onlaın-chat arqyly.
