23 aqpanda Túpqaraǵan aýdanyna qarasty Aqshuqyr aýylynyń jumyssyz turǵyndary da beineúndeý joldady, - dep habarlaidy Dalanews.kz mangystaumedia.kz-ke siltep.
Olar West Oil kompaniiasynda bosaǵan jumys oryndaryna jumysqa ornalastyrýdy talap etip otyr.
"Otbasymyzdyń áleýmettik jaǵdaiyn eskere otyryp, "Qarajanbasmunai" kompaniiasynyń merdiger mekemelerine jumysqa ornalastyrýdy surap kelemiz. Endi "West Oil" mekemesinde paida bolǵan bos jumys oryndaryna jumysqa ornalastyrýdy talap etemiz!" - delingen beineúndeýde.
Aita keteiik, 21 aqpan kúni "West Oil" kompaniiasynyń basshylary jumysshylardyń uzaq merzimdi zańsyz ereýili 900 million teńge shyǵyn ákelgenin jáne ereýilshiler jumysqa shyqpasa, 24 aqpannan bastap jumystan shyǵara bastaitynyn málimdegen bolatyn. Málimdemeden keiin 94 qyzmetker jumystaryna qaita oraldy.
Basshylyq eger ereýilshiler raiynan qaitpaǵan jaǵdaida, olardyń ornyna jumyssyz turǵyndardy qabyldaityndaryn aitty. Osyǵan deiin áleýmettik jelide Jetibai jáne Quryq aýyldarynyń jumyssyz turǵyndarynyń da "Westoil Software" JShS bosaǵan oryndarǵa jumysqa ornalastyrýdy talap etken birneshe beineúndeýi jariialanǵan bolatyn.
