Bul týraly Qyrǵyzstandaǵy AQSh elshiliginiń baspasóz qyzmeti habarlady.
Elshilik ókiliniń habarlaýynsha, 2014 jyldan beri «USAID-tyń biznesti damytý bastamasy» baǵdarlamasy aiasynda kiim tigýshilerge qoldaý kórsetilip keledi. Joba óndiristi ońtailandyrýǵa jáne ónimdi ótkizý úshin Eýropa men TMD-nyń iri saýda jelileri jáne firmalyq dúkenderine shyǵýǵa kómektesedi.
2015 jyldyń aqpanynda USAID satýmen ainalysatyn sheteldik kompaniialardy Qyrǵyzstannyń tigin ónerkásibiniń áleýetimen tanystyrǵan edi. Dúkender jelisiniń ókilderi Qyrǵyzstannyń tigin salasynyń aýqymyna, onyń logistikaǵa az shyǵyn ketetin, ózgeristerge tez beiimdeletin, ónim óndirýdegi tez ikemdeletin básekege qabilettiliktegi artyqshylyqtaryna qairan qalǵan.
Kezdesý nátijesinde qyrǵyz ónim óndirýshileri quny 1 million dollar bolatyn eksporttyq tapsyrysty oryndaǵan. Qyrǵyz kiimderi satylyp jatqan naryqtardaǵy áleýetin arttyrǵan soń, joba Eýroodaq pen AQSh-qa ónim eksporttaýǵa kúsh jumsaidy dep kózdelgen.
