AQSh memlekettik hatshysynyń azamattyq qaýipsizdik, demokratiia jáne adam quqyqtary máseleleri jónindegi orynbasary Sara Siýell «Vashington Qazaqstanda jerge qatysty narazylyqtardy uiymdastyrǵan emes» dep málimdedi. Siýell tórt kúndik jumys saparmen Astanada júr.
Mundai aiyptardy ol «óte kúlkili» dep atady.
«Demokratiia qundylyqtarynyń biri – sóz bostandyǵy, adam quqyqtary jáne oi erkindigi. Úkimetke óz pikirin jetkize bilý. Ókinishke orai, úkimet halyqtyń oiyn erkin jetkizýge jaǵdai jasamai otyr. Keide halyq jekelegen adamdardyń, uiym basshylarynyń sózderin halyq pikiri retinde qabyldap júr. Bul durys emes», — dedi ol.
AQSh memlekettik hatshysynyń orynbasary Qurama Shtattardyń Astanadaǵy elshiliginde dóńgelek ústel májilisine qatysty. Ol Qazaqstan úkimeti ókilderimen ótken kezdesýlerde byltyr ózgertilgen úkimettik emes uiymdar týraly zańdy talqylaǵanyn aitty.
Resmi Astana ókilderi zańdarǵa ózgerister engizilýin Siýelge úkimettik emes uiymdar qyzmetindegi kedergilerdi joiý úshin qabyldandy dep túsindirdi. Buǵan qosa Siýell Astanada terrorizm jáne ekstremizm máselelerin zertteitin uiymdardyń ókilderimen kezdeskenin aityp berdi.
