AQSh pen Iran ótken demalys kúnderi bir-birine tiesili jáne taraptarmen bailanysy bar tankerlerge aýqymdy shabýyl jasady. Bloomberg málimetinshe, bul tankerlerge jasalǵan eń iri ózara soqqylardyń biri bolýy múmkin, dep habarlaidy dalanews.kz.
Oqiǵa alty aidan beri jalǵasyp kele jatqan qaqtyǵysty odan ári ýshyqtyryp, munai baǵasynyń ósýine áser etti. Sonymen qatar Ormýz buǵazy arqyly júk tasymaldaý aitarlyqtai qiyndaǵan.
AQSh tarapy Irannyń úsh tankerine soqqy jasaǵanyn málimdedi. Olardyń biri – «Kailo» tankeri Oman shyǵanaǵynda sýǵa batyp, taǵy eki keme zaqymdanǵan.
Iran da AQSh-pen bailanysy bar úsh kemege jáne amerikalyq ushqyshsyz ushý apparattaryna shabýyl jasaǵanyn habarlady.
Qazir Ormýz buǵazyndaǵy keme qozǵalysy óte shekteýli. Kpler dereginshe, senbi kúni buǵaz arqyly nebári bir júk kemesi ótken.
Aimaqtaǵy qaýipsizdik jaǵdaiy turaqsyz kúiinde qalyp otyr. Halyqaralyq resmi eskertýlerde de áskeri soqqylardyń jalǵasyp jatqany jáne áýe ári teńiz qatynasynyń shektelý qaýpi bar ekeni aitylǵan.
