AQSh Iran porttaryna qatysty áskeri-teńiz blokadasyn resmi túrde toqtatty. Bul týraly AQSh Qarýly kúshteriniń Ortalyq qolbasshylyǵy (CENTCOM) málimdedi, dep habarlaidy dalanews.kz.
Vedomstvonyń habarlaýynsha, prezident Donald Tramptyń direktivasyna sáikes amerikalyq áskeri kúshter endi Parsy jáne Oman shyǵanaqtarynda saýda kemeleriniń qozǵalysyna kedergi keltirmeidi.
Bul sheshim AQSh pen Iran arasyndaǵy áskeri is-qimyldardy toqtatýǵa baǵyttalǵan ózara túsinistik týraly memorandým aiasynda qabyldanǵan. Qujat taraptar arasyndaǵy shielenisti báseńdetýge jáne kelissózder protsesin jandandyrýǵa baǵyttalǵan.
Blokadanyń alynýymen Iran porttaryna qatynaityn kemelerdiń qozǵalysy qaita jandandy. Resmi málimetterge sáikes, Ormýz buǵazy arqyly milliondaǵan barrel munai tiegen alǵashqy tankerler de ótip úlgergen.
Soǵan qaramastan AQSh áskeri kemeleri aimaqtan shyǵarylmaidy. Olar kelisim sharttarynyń oryndalýyn baqylaý úshin óńirde qala beredi.
Kelisimniń merzimi ázirge 60 kúnge eseptelgen. Osy ýaqyt aralyǵynda taraptar keń aýqymdy máseleler, sonyń ishinde Irannyń iadrolyq baǵdarlamasy boiynsha kelissózder júrgizýdi josparlap otyr.
Degenmen Donald Tramp Iran kelisim talaptaryn buzǵan jaǵdaida AQSh burynǵy qatań sharalarǵa qaita oralýy múmkin ekenin eskertken. Onyń aitýynsha, qajet bolǵan jaǵdaida áskeri qysym men soqqylardy jańartý nusqasy da qarastyrylmaq.
Osylaisha Ormýz buǵazy qaitadan halyqaralyq saýda men álemdik ekonomika úshin ashyq teńiz dálizine ainalyp otyr.
