Aqparat ministrligi Facebook-pen yntymaqtastyq týraly kelisimge keldi
Qazaqstan Respýblikasynyń Úkimetine aqparattyq keńistiktiń qaýipsizdigin arttyrý máselesin sheshýge kómek kórsetý maqsatynda Facebook Qazaqstanǵa ishki «Kontentti habarlaý júiesine» («Content Reporting System» (CRS)) tikelei ekskliýzivti qoljetimdilik berdi. CRS Ministrlikke Facebook jahandyq kontenttik saiasatynyń da, Qazaqstan Respýblikasynyń ulttyq zańnamasynyń da buzýshylyqtary bar kontent týraly jedel habarlaýǵa múmkindik beredi.
Qazaqstan Ortalyq Aziiada kontenttik saiasatqa jaýap beretin Facebook kompaniiasynyń halyqaralyq komandasymen tikelei bailanys arnasyna jáne júiege qosylǵan alǵashqy el bolyp tabylady.
Facebook kompaniiasynyń jurtshylyqpen bailanys jónindegi óńirlik direktory Djordj Chen myrzanyń málimdeýinshe: Facebook Qazaqstan Úkimetimen, ásirese balalardyń internettegi qaýipsizdigin qamtamasyz etý baǵytynda birlesken jumysqa umtylady. Bizdiń uzaq merzimdi yntymaqtastyǵymyzdyń alǵashqy qadamy retinde biz Qazaqstan Úkimetine ýákiletti organdarǵa ziiandy kontentpen neǵurlym tiimdi jáne pármendi kúresýge kómektesetin «Kontentti habarlaý júiesine» qol jetkizýge qýanyshtymyz. Facebook komandasy kiberkeńistiktiń qaýipsizdigin qamtamasyz etý maqsatynda qazaqstandyq mamandardy oqytýdy jalǵastyrady».
Aqparat jáne qoǵamdyq damý ministrligi, óz tarapynan, Facebook-pen ekijaqty yntymaqtastyqtyń qol jetkizilgen deńgeiin qanaǵattanýshylyqpen atap ótedi.
Aǵymdaǵy jyldyń 28 qazanynda Facebook komandasy Ministrliktiń mamandaryna «Kontentti habarlaý júiesin», sondai-aq Facebook kontenttik saiasaty jáne qoǵamdastyq standarttary boiynsha jumys boiynsha trening ótkizdi. Qarasha aiynyń basynan bastap Ministrlik júiede jumys istei bastaidy.
Eki tarap ózara is-qimyldyń turaqty tetigin belgileýge, onyń ishinde Ministrlikpen túrli aspektiler boiynsha tyǵyz jumys isteitin Facebook óńirlik ofisinen ýákiletti ókildi anyqtaý týraly kelisimge keldi.
Ministrlik «Kontentti habarlaý júiesin» paidalaný Facebook jáne Instagram platformalarynda quqyqqa qarsy kontenttiń taralýyna qarsy is-qimyl boiynsha júrgizilip jatqan jumystyń jedeldigin jáne jalpy tiimdiligin arttyrýǵa múmkindik beretinine senim bildiredi.
Osy múmkindikti paidalana otyryp, Ministrlik Qazaqstan naryǵynda jumys isteitin internet-kompaniialarmen syndarly dialog qurýǵa jáne yntymaqtastyq ornatýǵa daiyn ekendigin jáne qaýipsiz aqparattyq keńistikti qurý baǵytynda júrgizilip jatqan baǵytty ustanatynyn atap ótti.
