Astanada jeke kóligimen Aqorda qaqpasyna soǵylǵan polısıanyń eki qyzmetkeri jumysynan bosatyldy dep habarlady qalalyq ishki ister departamentiniń (İİD) baspasóz qyzmeti.

İİD málimetine qaraǵanda, jol-kólik oqıǵasy 17 qańtarǵa qaraǵan túni bolǵan.

Jol-patrýl polısıasy arnaıy batalónynyń ınspektory, polısıa aǵa leıtenanty E. Imanbekov Porche Cayenne kóligimen Dostyq kóshesinde kele jatyp kóktaıǵaqta rólge ıe bola almaı, rezıdensıa qaqpasynyń kolonnasyna soǵylǵan.

Oqıǵadan eshkim zardap shekpegen, tek kolonna azdap zaqymdanǵan.

Budan soń qyzmettik tergeý júrgizilip, oqıǵaǵa birden-bir kináli dep tanylǵan kólikti júrgizgen Imanbekov pen onyń bastyǵy, vzvod komandıri kapıtan Ǵ. Jumahmetov ishki ister organdarynda qyzmet isteýden bosatylǵan.

Sonymen qatar atalǵan polısıa qyzmeti qurylymy basshylarynyń birqatary "qyzmetkerleri arasynda tárbıe jumystaryn durys júrgizbegeni úshin" qatań tártiptik jaýapqa tartylǵan.

 

https://dalanews.kz/33319