Aqmola oblysynda úi jóndeýge jaldanǵan jumysshy turǵynnyń telefony arqyly bank shotynan 2 mln teńge urlady degen kúdikke ilindi. Qazir bul derek boiynsha Tselinograd aýdandyq politsiia bólimi qylmystyq isti tergep jatyr, dep habarlaidy dalanews.kz.
Politsiia málimetinshe, biyl mamyr aiynda Qaraótkel aýylynyń turǵyny jeke úiiniń qurylysyn bastaǵan. Qurylysshylar izdegen ol jóndeý jumystaryn júrgizýge kelisken er adamdy jaldaidy. Jumysshy birneshe ai boiy atalǵan nysanda eńbek etken.
22 tamyz kúni tańerteń úi iesi uialy telefonynyń joǵalǵanyn baiqaidy. Bank qosymshasyn teksergen kezde shotynan birneshe ret aqsha aýdarylyp, jalpy 2 mln teńge sheshilgenin anyqtaǵan.
Tártip saqshylarynyń aldyn ala málimetinshe, aqshany jábirlenýshiniń úiinde jumys istegen er adam aýdarǵan. Sondai-aq onyń tanysý kezinde ózin bóten adamnyń atymen tanystyrǵany belgili boldy.
Jábirlenýshi dereý politsiiaǵa aryzdanǵan. Jedel izdestirý sharalary barysynda kúdiktiniń shyn mánindegi jeke basy qysqa ýaqytta anyqtaldy.
Qazir is boiynsha tergeý jalǵasyp jatyr. Politseiler oqiǵanyń barlyq mán-jaiyn anyqtap jatyr.
