Memleket basshysynyń aldynda sóilegen sózim tómendegidei:
"Armysyz, qurmetti Qasym-Jomart Kemeluly!
Men, Erjan Jumabekuly. «Kitap — bilim bulaǵy» saiysynyń qalalyq kezeńinde qazylar alqasynda tóraǵalyq etken edim. Balalardyń kitap oqýǵa degen, konkýrsqa degen qyzyǵýshylyqtary meni tánti etti. Jas býynnyń Jańa Qazaqstanda ózderin barlyq jaǵynan tanytýǵa múmkindikteriniń mol ekeni qýantady. Osy úrdis jalǵasyn taýyp, rýhani bai balalarymyzdyń sany kóbeie bersin.
Qazaq tilin joǵary dárejede nasihattap júrgen kólemdi shyǵarmalarǵa degen kóńili erekshe №187 mekteptiń 11-shi synyp oqýshysy Shýt Mihaildyń «Alpamys batyr» jyryn jatqa aitýy meni tańǵaldyrdy.
Mihail memlekettik tilimizdiń mártebesin arttyrýǵa ózindik úlesin qosyp júrgen oqýshy retinde ózge balalarǵa úlgi bolary anyq. Osyndai daryndy jastardy el aldyna kóbirek shyǵarsa, basqa oqýshylardyń kitap oqýǵa qyzyǵýshylyqtary tipti arta túsetinine senimdimin. Ózińiz bilesiz, rýhaniiat bárinen biik turady.
Ruqsatyńyzben Mihaildy jyrdan úzindi oqyp berýge shaqyramyn."
Shara barysynda Prezidentimizge balalar ádebieti men aýdarma salasynyń damyp kele jatqanyn, Garri Potter de qazaq tilinde sóilegenin aityp, Záýre Tórehan men Ekaterina Li siiaqty jas jazýshylarǵa jáne Ińkár, Nurilia, Ernur jáne Raiana degen talantty balalarǵa da toqtaldym. Olar Kóshbasshymyzǵa ónerlerin kórsetip, arman-tilekterin aitty.
Osyndai tamasha merekelik keshti uiymdastyrǵan Almaty ákimdigine, ásirese, qala ákiminiń orynbasary Ásem Bekqyzyna erekshe alǵysymdy bildiremin!
El igiligi úshin aianbai qyzmet ete berińizder.
Jaqsylyqta ǵana júzdeseiik!
Erjan Jumabekuly
aqyn, sazger, ánshi, doktorant, Qazaqstan Jazýshylar odaǵynyń múshesi, «Qazaqstannyń 100 jańa esimi» jobasynyń jeńimpazy, Serper syilyǵynyń iegeri
