– Árıne, kóz kóp, til de kóp. Bireý olaı aıtady, bireý bylaı aıtady. Jalpy bireýdiń ómiri bireýge jumbaq qoı negizinde. Durys-durys emes dep aıtýǵa bizdiń haqymyz joq. Durys-burysyn bir Alla biledi. Kórýshi de, estýshi de – Alla. Ómir ózimdiki bolǵannan keıin janym neni qalaıdy, solaı ómir súremin. Baqytqa ár adam laıyqty dep oılaımyn. Men báribir óz degenimdi isteıtin adammyn, – deıdi ánshi.
Alǵashqyda senimsizdik tanytqan Aqbota qurbylary qoldaý kórsetkennen keıin eńsesin tiktegenin aıtady.
[caption id="attachment_27754" align="aligncenter" width="573"]
Jas jubaılar[/caption]
– Qazirgi joldasymmen dos bolyp, aralasyp, sóılesip júrdik. Usynys bolǵannan keıin oılandym, árıne. Kóp oılanasyń ǵoı. Bir páste sheshim qabyldaý men úshin ońaı tıgen joq. Bala-shaǵany, úıdegi áke-shesheńdi oılaısyń. El ne deıdi, jurt ne deıdi degen sıaqty san pikirler mazalaǵan joq emes. Árıne, mazalady. Biraq jalǵyzdyq Allaǵa jarasqan deıdi. Kóp dos qyzdarym kerisinshe meni quptady. Jalǵyz júrgennen qasyńda, úıde urysatyn da bir adam kerek qoı. Urystan Qudaı saqtasyn. Biraq úıde er azamattyń kirip júrgeni jaqsy, – dep aǵynan jaryldy ánshi.
Kerimbekova tyńdarmandarynan ózine jaqsy tilek aıtýyn, al aıta almaǵan jaǵdaıda synǵa almaýdy suraıdy.
«Ózim burynnan armandaıtynmyn, ata-ene kórip, kelin bolyp, kúshti ǵoı… Qaıyn ápkeleriń, qaıyn aǵalaryń bolyp… Shúıirkelesip, jınala qalyp. Allaǵa shúkir, sol armanym oryndaldy dep oılaımyn. Al aldaǵy ómirim bir Allaǵa ǵana aıan. Biraq qolymyzdan kelgenshe baqytty bolamyz dep emes, baqytty qylamyz dep bel býdyq. Kóp tileýi kól deıdi ǵoı. Sol sebepti jaqsy sóz aıtpasa da, eshteńe demeı aq qoısa eken deımin keıbir kórermenderimiz, keıbir syn-pikir aıtýshylar», – dep túıindedi sózin ol.
https://dalanews.kz/27686
