Kezdesý barysynda kandıdattar saılaýshylardy partıanyń saılaýaldy baǵdarlamasymen tanystyryp, qatysýshylardy qyzyqtyrǵan suraqtarǵa jaýap berdi.
– «Aq jol» partıasynyń saılaýaldy baǵdarlamasy 6 negizgi baǵyttan turady jáne áleýmettik salanyń, bıznesti qoldaýdyń, demokratıany damytýdyń, sybaılas jemqorlyqqa qarsy kúrestiń eń ózekti máselelerin qamtıdy.
Mysaly, biz aı saıyn jalaqydan BJZQ-ǵa jáne áleýmettik jáne medısınalyq saqtandyrý qoryna aýdarymdar jasaımyz. Biraq qarajatty paıdalaný kezinde túrli suraqtar týyndaıdy.
«Aq jol» azamattardyń zeınetaqy jınaqtaryn ekinshi deńgeıli bankterdiń depozıtterinde óz shottarynda saqtaý jolyn qoldaıdy. Áleýmettik jáne medısınalyq saqtandyrý qorynyń jumysyn da naqty salymshylarǵa baılanystyrǵan jón. Árbir azamattyń qorda óz jeke shoty bolýy kerek. Sol jerde onyń tólemderi esepke alynady jáne salymshynyń kelisimi boıynsha onyń nemese jaqyndarynyń emi úshin aqy tólenetin bolady.
Sapasyz emdelgen jaǵdaıda tutynýshy atalmysh qyzmetterge aqy tóleýden bas tartýǵa quqyly bolýy tıis, – dep Májilis depýtattyǵyna kandıdat Fýat Satybaev atap ótti.
Mıneraldy sý jáne alkogólsiz sýsyndar óndirisi sehynyń bastyǵy Sergeı Baboshkonyń aıtýynsha, «Aq jol» partıasynyń saılaýaldy baǵdarlamasynda jastardy qoldaýǵa kóp kóńil bólingen.
– Bizge partıanyń jumysshy jastardy, jas otbasylardy turǵyn úımen qamtamasyz etý máselelerine erekshe kóńil bóletini mańyzdy. Óıtkeni báriniń de qymbat páter satyp alýǵa múmkindigi bola bermeıdi, – dep atap ótti ol.
Úgit-nasıhat tobynyń músheleri saılaýshylardy mazalaıtyn suraqtarǵa qulaq asyp, olarǵa jaýap berdi jáne 10 qańtardaǵy saılaýǵa belsendi qatysýǵa shaqyrdy.
(Materıal aqysy «Aq jol» partıasynyń saılaý qory qarjysy esebinen tólendi)
