Apatty mektep máselesi keler jyly tolyqtaı sheshiledi

Dalanews 06 qar. 2014 23:55 97

Qyzylorda oblysynda jyl basynda 25 apattyq mektep bolǵan, búgingi tańda 2 mektep qurylysy aıaqtalyp berildi, al 11-iniń qurylysy jergilikti búdjet esebinen jyl sońyna deıin aıaqtalyp paıdalanýǵa  beriletin bolady. 1 mekteptiń qurylysy búdjetten tys qarjy kózinen  salynýda.

«Qalǵan 11 apattyq mektepterdiń 6-yna jobalyq smetalyq qujattary daıyn, 5-ine jobalyq smetalyq qujattaryn ázirleý úshin jergilikti búdjetten  28,2 mln teńge qarjy bólindi. 2015 jyly osy 11 apattyq mektepterdiń qurylystary jergilikti búdjet esebinen júrgizilip, jyl sońyna deıin paıdalanýǵa beriledi», - dedi  Qyzylorda oblysynyń ákimi Q.Kósherbaev QR Prezıdenti janyndaǵy Ortalyq komýnıkasıalar qyzmetinde ótken baspasóz máslıhatynda.

2014 jyly 28 mekteptiń qurylysy júrgizilýde. Qazirgi tańda onyń 7-i paıdalanýǵa berilgen. Qalǵan mektepter jyl sońyna deıin beriletin bolady.

Sondaı-aq, bıyl 58 bilim berý uıymdaryna kúrdeli jóndeý jumystary júrgizildi. Onyń 46-y jalpy bilim beretin mektep, 12-si bilim mekemeleri.

 

Usynylǵan
Sońǵy jańalyqtar